ଗାଙ୍ଗଟକ:ଉତ୍ତର ସିକ୍କିମରେ ଶୁକ୍ରବାର ଦୁର୍ଘଟଣା (Army Vehicle accident in Sikkim)ରେ ୧୬ ଜଣ ଯବାନ ଶହୀଦ ହୋଇଛନ୍ତି । 1୨ ଜଣ ଶହୀଦ ଯବାନଙ୍କ ପାର୍ଥିବ ଶରୀରକୁ ସିକ୍କିମର ଟେକ୍ନିକାଲ ଅଞ୍ଚଳ (Alpha Zone)ରୁ ଏକ ସ୍ବତନ୍ତ୍ର ବିମାନ ଯୋଗେ ଆଜି ପଶ୍ଚିମବଙ୍ଗ ବାଗଡୋଗରା ବିମାନ ବନ୍ଦରକୁ ଅଣାଯାଇଥିଲା । ଆଲଫା ଜୋନକୁ ବାୟୁସେନା ପାଇଁ ଉତ୍ସର୍ଗୀକୃତ କରାଯାଇଥିବା ବେଳେ ମେଜର ଅଞ୍ଜନକୁମାର ବାସୁମତାରି ଓ ଅନ୍ୟ ସେନା ଅଧିକାରୀ ଶହୀଦ ଯବାନଙ୍କୁ ସେଠାରେ ଶ୍ରଦ୍ଧାଞ୍ଜଳି ଜଣାଇଥିଲେ (Army Officials pay tribute to Jawans Martyred) ।
ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଲା ସେନା ଆଲଫା ଜୋନରେ ସିକ୍କିମ ମୁଖ୍ୟମନ୍ତ୍ରୀ ପ୍ରେମ ସିଂ (ପି, ଏସ ଗୋଲେ) ଶ୍ରଦ୍ଧାଞ୍ଜଳି ଜଣାଇଥିଲେ । ଏହାପରେ ଉତ୍ତର ସିକ୍କିମ ଅଞ୍ଚଳରୁ ଲିବିଙ୍ଗ ହେଲିପ୍ୟାଡ ଜରିଆରେ ପଶ୍ଚିମବଙ୍ଗର ବାଗଡ଼ୋଗରା ବିମାନ ବନ୍ଦରକୁ ଅଣାଯାଇଥିଲା । ସୂଚନା ଥାଉ କି ଗତକାଲି (ଶୁକ୍ରବାର) ଉତ୍ତର ସିକ୍କିମର ଭାରତ-ଚୀନ ସୀମାବର୍ତ୍ତୀ ଅଞ୍ଚଳ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା ସେନା ଗାଡ଼ି (Sikkim Road Accident) । ଏହି ଦୁର୍ଘଟଣାରେ ୧୬ ଯବାନ ଶହୀଦ (16 jawans martyred) ହୋଇଥିବା ବେଳେ ୪ଜଣ ଗୁରୁତର ଭାବେ ଆହତ ହୋଇଥିଲେ । ଉତ୍ତର ସିକ୍କିମର ଦୁର୍ଗମାଞ୍ଚଳରେ ସେନା ଗାଡ଼ି ପ୍ରାୟ ୧୦୦ ଫୁଟ ଖାଇକୁ ଖସିଥିଲା ।
ଏହା ବି ପଢନ୍ତୁ- Sikkim Road Accident: ଖାଇକୁ ଖସିଲା ସେନା ଗାଡ଼ି, ୧୬ ଯବାନ ଶହୀଦ, ମୋଦିଙ୍କ ଶୋକ ପ୍ରକାଶ
ଆହତ ହୋଇଥିବା ୪ ଯବାନଙ୍କୁ ଏୟାରଲିଫ୍ଟରେ ଉତ୍ତର ବେଙ୍ଗଲର ଆର୍ମି ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହି ଦୁର୍ଘଟଣା ଜେମା ୩ (Zema 3) ଠାରେ ସକାଳ ପ୍ରାୟ ୮ଟା ସମୟରେ ଘଟିଥିଲା । ଏହି ଦୁର୍ଗମ ଅଞ୍ଚଳଟି ଲାକେନଠାରୁ ୧୫କିମି ଓ ରାଜଧାନୀ ଗାଙ୍ଗଟକଠାରୁ ୧୩୦କିମି ଦୂରରେ ଅବସ୍ଥିତ । ଏନେଇ ଚୁଙ୍ଗଥାଙ୍ଗ ସବଡିଭିଜନାଲ ପୋଲିସ ଅଫିସର (SDPO) ଅରୁଣ ଥାତାଲଙ୍କ ସୂଚନାନୁସାରେ ସେନା ଗାଡ଼ି ୨୦ ଜଣ ଯବାନଙ୍କୁ ନେଇ ବର୍ଡର ପୋଷ୍ଟ ଅଭିମୁଖେ ଯାତ୍ରା କରୁଥିଲା । ଜେମା ୩ ନିକଟରେ ଏକ ଟର୍ଣ୍ଣିଂ ପଏଣ୍ଟରେ ହଠାତ ଗାଡ଼ି ବୁଲିବା ସମୟରେ ଖାଇକୁ ଖସି ପଡିଥିଲା ।
ଶହୀଦ ବୀର ଯବାନଙ୍କ ତାଲିକା:-
- ନାୟକ ସୁବେଦାର ଚନ୍ଦନ କୁମାର ମିଶ୍ର, ପାଟନା ବିହାର
- ଓମକାର ସିଂ, ପଠାନକୋଟ ପଞ୍ଜାବ
- ଗୋପୀନାଥ ମକୁର, ଦୁର୍ଗାପୁର
- ସେପ ସୁଖାରାମ, ଯୋଧପୁର ରାଜସ୍ଥାନ
- ନାଏକ ରବିନ୍ଦର ସିଂ ଥାପା, ପନ୍ତନଗର ଉତ୍ତରାଖଣ୍ଡ
- ନାଏକ ବୈଶାଖ ଏସ୍, ପାଲକ୍କଡ କେରଳ
- ନାଏକ ପ୍ରମୋଦ ସିଂ, ଆରା ବିହାର
- ଲାନ୍ସ ନାଏକ ଭୁପେନ୍ଦ୍ର ସିଂ, ଇଟା ଉତ୍ତରପ୍ରଦେଶ
- ନାୟକ ଶ୍ୟାମ ସିଂ ଯାଦବ, ଉନ୍ନାଓ
- ନାଏକ ଲୋକେଶ କୁମାର, ମୁଜ୍ଜଫରପୁର
- ଗ୍ରେନେଡିୟର୍ ବିକାଶ କୁମାର, ଫତେହାବାଦ ହରିୟାଣା
- ଏଲ /ହାବିଲଦାର ଅରବିନ୍ଦ କୁମାର, ଭିୱାନୀ
- ଲାନ୍ସ ନାଏକ ସୋମବୀର ସିଂ, ହିସାର
- ସୁବେଦାର ଗୁମାନ ସିଂ, ଜୈସଲମର୍ ରାଜସ୍ଥାନ
- ଲାନ୍ସ ନାୟକ ମନୋଜ କୁମାର, ଝୁଞ୍ଜହୁନୁ
- ହାଭ ଚରଣ ସିଂ, ଲକ୍ଷ୍ନୌ ଉତ୍ତରପ୍ରଦେଶ
