ନୂଆଦିଲ୍ଲୀ:3 ଦିନିଆ ଲଦାଖ ଗସ୍ତରେ ଭାରତୀୟ ସ୍ଥଳସେନା ମୁଖ୍ୟ ଜେନେରାଲ ମନୋଜ ପାଣ୍ଡେ । ସ୍ଥଳସେନା ମୁଖ୍ୟ ଭାବେ ଦାୟିତ୍ବ ଗ୍ରହଣ ପରେ ସେ ପ୍ରଥମ ଥର ଲଦାଖ ଗସ୍ତ କରିଛନ୍ତି । ଏହି 3 ଦିନିଆ ଗସ୍ତରେ ସେ ଭାରତ-ଚୀନ ପ୍ରକୃତ ନିୟନ୍ତ୍ରଣ ରେଖା (LAC) ରେ ସୁରକ୍ଷା ବ୍ୟବସ୍ଥା ଅନୁଧ୍ୟାନ କରିବା ସହ ଅନ୍ୟ କିିଛି କାର୍ଯ୍ୟକ୍ରମରେ ମଧ୍ୟ ଅଂଶଗ୍ରହଣ କରିବେ । ସେ ସେଠାରେ ଭାରତୀୟ ସେନାର ଫରଓ୍ବାଡ ପୋଷ୍ଟ ପରିଦର୍ଶନ କରିବେ ବା ଉତ୍ତରାଞ୍ଚଳ କମାଣ୍ଡ (Northern Command) ବରିଷ୍ଠ ସେନାଧିକାରୀଙ୍କ ସହ ଆଲୋଚନା ମଧ୍ୟ କରିବାର କାର୍ଯ୍ୟକ୍ରମ ରହିଛି ।
ଗସ୍ତର ପ୍ରଥମ ଦିନରେ ଫରଓ୍ବାର୍ଡ ପୋଷ୍ଟରେ ସେନା ବ୍ୟବହାର କରୁଥିବା ଯୁଦ୍ଧାସ୍ତ୍ର ଓ ଯନ୍ତ୍ରାଂଶ ଯଥା ଭାରତ ପ୍ରସ୍ତୁତ ଯୁଦ୍ଧ ଉପକରଣ ଓ ଯୁଦ୍ଧ ଯାନ ଆଦି ପରିଦର୍ଶନ କରିବେ ଜେନେରାଲ ପାଣ୍ଡେ । ତେବେ ସ୍ଥଳସେନା ମୁଖ୍ୟ ଭାବେ ଦାୟିତ୍ବ ସମ୍ଭାଳିବା ପୂର୍ବରୁ ମଧ୍ୟ ଏହି କ୍ଷେତ୍ରରେ 8 ମାଉଣ୍ଟେନ ଡିଭିଜନ(8 Mountain Division)ର ନେତୃତ୍ବ ମଧ୍ୟ ନେଉଥିଲେ ।