ଇମ୍ଫାଲ:ବ୍ୟାପକ ସାମ୍ପ୍ରଦାୟିକ ହିଂସାକୁ ମାତ୍ର କେଇ ଦିନ ବିତିନଥିବା ବେଳେ ପୁଣି ମଣିପୁର ରାଜଧାନୀ ଇମ୍ଫାଲର ଏକ ସ୍ଥାନରେ ସାମ୍ପ୍ରଦାୟିକ ହିଂସା ଦେଖିବାକୁ ମିଳିଛି । ରାଜଧାନୀ ମଣିପୁରର ନ୍ୟୁ-ଚେକକୋନ ଏରିଆରେ ମୈତେଇ ଓ କୁକି ସମ୍ପ୍ରଦାୟ ମଧ୍ୟରେ ଏହି ହିଂସାକାଣ୍ଡ ଘଟିଛି । ହେଲେ ସ୍ଥିତି ଅଣାୟତ ହେବା ପୂର୍ବରୁ ସେନା ଓ ପାରା ମିଲିଟାରୀ ଫୋର୍ସ ଘଟଣାସ୍ଥଳରେ ପହଞ୍ଚିଛନ୍ତି । ରାଜଧାନୀ ଇମ୍ଫାଲରେ ପୁଣି କର୍ଫ୍ୟୁ ଲାଗୁ କରାଯାଇଛି ।
ମିଳିଥିବା ସୂଚନା ଅନୁସାରେ, ଏହି ଅଞ୍ଚଳରେ ଥିବା ଏକ ମାର୍କେଟରେ ଦୁଇ ସମ୍ପ୍ରଦାୟ ଗୋଷ୍ଠୀ ମଧ୍ୟରେ ଏହି ହିଂସା ଘଟିଛି । ଏଥିରେ ମୃତାହତ ଓ କ୍ଷୟକ୍ଷତି ସମ୍ପର୍କରେ କୌଣସି ସୂଚନା ସ୍ପଷ୍ଟ ହୋଇନି । ହିଂସା ସୂଚନା ମିଳିବା ମାତ୍ରେ ସ୍ଥାନୀୟ ପୋଲିସ ସହ ସେନା ମଧ୍ୟ ଘଟଣାସ୍ଥଳରେ ପହଞ୍ଚିଥିଲା । ସମଗ୍ର ଏରିଆରେ ଫୋର୍ସ ମୁତୟନ ହେବା ସହ କର୍ଫ୍ୟୁ ଜାରି କରାଯାଇଛି ।
ଚଳିତ ମାସ ଆରମ୍ଭରେ ରାଜ୍ୟବ୍ୟାପୀ ହିଂସାର ପରେ ଏବେ ମଧ୍ୟ ମଣିପୁରରେ ସ୍ଥିତି ସମ୍ପୂର୍ଣ୍ଣ ସ୍ବାଭାବିକ ହୋଇନି । କର୍ଫ୍ୟୁ ହଟିବା ସହ ଫୋର୍ସ ମୁତୟନରେ ହ୍ରାସ କରାଯାଇଥିଲେ ସୁଦ୍ଧା ଏବେ ମଧ୍ୟ ବିଭିନ୍ନ ସମ୍ବେଦନଶୀଳ ସ୍ଥାନରେ ସାମ୍ପ୍ରଦାୟିକ ଗତିବିଧି ଓ ଉତ୍ତେଜନା ଉପରେ ନଜର ରଖଯାଇଛି । ହେଲେ ସ୍ଥିତି ଏବେ ପୁଣି ଏକ ନୂଆ ହିଂସା ଘଟଣା ସାମ୍ନାକୁ ଆସିଛି ।