ନୂଆଦିଲ୍ଲୀ: ଆସିଛି ପଞ୍ଜାବ ବିଧାନସଭା ନିର୍ବାଚନର ଫଳାଫଳ । ଚଳିତ ନିର୍ବାଚନରେ ଅମୃତସର(ପୂର୍ବ) ବିଧାନସଭା ନିର୍ବାଚନ ଆସନରୁ ନବଜୋତ ସିଂ ସିଦ୍ଧୁ ପରାଜିତ ହୋଇଛନ୍ତି । ପୂର୍ବତନ ଭାରତୀୟ କ୍ରିକେଟର ତଥା କଂଗ୍ରେସ ନେତା ପୂର୍ବରୁ ଲଗାତାର ଭାବେ 'The Kapil Sharma Show'ର ଅତିଥି ରହି ଆସୁଥିଲେ । ସେ ରାଜନୀତିରେ ଯୋଗ ଦେବା ପରେ ସୋ’ ଛାଡ଼ିଛନ୍ତି । ଏବେ ତାଙ୍କ ସ୍ଥାନ ନେଇଛନ୍ତି ବଲିଉଡ଼ କଳାକାର ଅର୍ଚ୍ଚନା ପୁରାନ ସିଂ । ଏବେ ସିଦ୍ଧୁ ନିର୍ବାଚନରେ ହାରିଯିବା ପରେ ଶୋ'କୁ ପୁଣି କମବ୍ୟାକ୍ କରିପାରନ୍ତି ସିଦ୍ଧୁ ! ଏହାକୁ ନେଇ ଟ୍ବିଟରରେ ଟ୍ରେଣ୍ଡ କରିବାରେ ଲାଗିଛନ୍ତି ଅର୍ଚ୍ଚନା ।
ସିଦ୍ଧୁ ଗତ ୨୦୧୬-୨୦୧୯ ପର୍ଯ୍ୟନ୍ତ ଶୋ'ରେ ଅତିଥି ହୋଇଆସୁଥିଲେ । ସିଦ୍ଧୁ ଶୋ'ରୁ ବିଦାୟ ନେବା ପରେ ତାଙ୍କ ସ୍ଥାନରେ କାମ କରୁଛନ୍ତି ଅର୍ଚ୍ଚନା । ଏବେ ସିଦ୍ଧୁଙ୍କ ପରାଜୟ ପରେ ନେଟିଜେନ୍ସ ମାଇକ୍ରୋବ୍ଲଗିଙ୍ଗ ପ୍ଲାର୍ଟଫର୍ମରେ ମିମ୍ସ(Memes) ବହୁଳ ମାତ୍ରାରେ ସେୟାର ହେଉଥିବା ଦେଖିବାକୁ ମିଳିଛି । ନେଟିଜେନ୍ସ ମାନେ ମିମ୍ସରେ ଲେଖିଛନ୍ତି ଯେ ଏବେ ସିଦ୍ଧୁ ହାରିବା ପରେ ଅର୍ଚ୍ଚନାଙ୍କ ଚାକିରୀ ସଙ୍କଟରେ । କାରଣ ସେ ପୁଣି ଶୋ'କୁ ଫେରିପାରନ୍ତି । ଏହାକୁ ନେଇ ମଜାଳିଆ ମିମସ୍ ଏବେ ସୋସିଆଲ ମିଡ଼ିଆରେ ବ୍ୟାପିବାରେ ଲାଗିଛି ।