କର୍ଣ୍ଣାଟକରେ ଯୁବକଙ୍କୁ ଗୋଡାଇ ଗୋଡାଇ ହତ୍ୟା, CCTVରେ କଏଦ ଦୃଶ୍ୟ

କର୍ଣ୍ଣାଟକର ମାଙ୍ଗାଲୋରରେ ପୁଣି ଏକ ହତ୍ୟାକାଣ୍ଡ । ଜଣେ ଯୁବକଙ୍କୁ 4 ଦୁର୍ବୃତ୍ତ ଗୋଡାଇ ଗୋଡାଇ ହତ୍ୟା କରିବାର ଦୃଶ୍ୟ CCTVରେ କଏଦ । ଗୋଟିଏ ଦିନ ପୂର୍ବରୁ ହତ୍ୟାର ଶିକାର ହୋଇଥିଲେ ଯୁବ ବିଜେପି କାର୍ଯ୍ୟକର୍ତ୍ତା । ଅଧିକ ପଢନ୍ତୁ

ବେଙ୍ଗାଲୁରୁ: କର୍ଣ୍ଣାଟକର ମାଙ୍ଗାଲୋରରେ ଯୁବ ବିଜେପି ନେତାଙ୍କୁ ହତ୍ୟାର ମାତ୍ର ଗୋଟିଏ ଦିନ ନପୁରୁଣୁ ପୁଣି ଏକ ହତ୍ୟାକାଣ୍ଡ ଘଟିଛି । ଫାଜିଲ ନାମକ ଜଣେ ଯୁବକଙ୍କୁ 4 ଜଣ ଦୁର୍ବୃତ୍ତ ଗୋଡାଇ ଗୋଡାଇ ମାରଣାସ୍ତ୍ରରେ ହାଣି ହତ୍ୟା କରିଛନ୍ତି । ହତ୍ୟାକାଣ୍ଡ ବେଳର ସମ୍ପୂର୍ଣ୍ଣ ଘଟଣା ନିକଟରେ ଲାଗିଥିବା CCTVରେ କଏଦ ହୋଇଛି । ଫଜିଲ ଏକ ଦୋକାନ ଚଳାଉଥିବା ବେଳେ ତାଙ୍କ ଦୋକାନ ନିକଟରେ ତାଙ୍କୁ 4ଜଣ ଦୁର୍ବୃତ୍ତ ମାରଣାସ୍ତ୍ରରେ ମରଣାନ୍ତକ ଆକ୍ରମଣ କରି ଫରାର ହୋଇଯାଇଥିଲେ । ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲେ ସୁଦ୍ଧା ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

ଏହା ମଧ୍ୟ ପଢନ୍ତୁ:ଉଦୟପୁର ହତ୍ୟାକାଣ୍ଡର ନିନ୍ଦା କରିବାରୁ କର୍ଣ୍ଣାଟକ ବିଜେପି ଯୁବନେତାଙ୍କୁ ହତ୍ୟା !

ମଙ୍ଗଳବାର ରାତିରେ ବିଜେପି ଯୁବ ମୋର୍ଚ୍ଚା କାର୍ଯ୍ୟକର୍ତ୍ତା ପ୍ରବୀଣ ନେତାରଙ୍କୁ ମଧ୍ୟ ନିର୍ମମ ଭାବେ ହତ୍ୟା କରିଥିଲେ ଦୁର୍ବୃତ୍ତ । ଏହି ଘଟଣାରେ ସାରା ରାଜ୍ୟରେ ରାଜନୈତିକ ଉଷ୍ମତା ଲାଗି ରହିଛି । ପୋଲିସ ମଧ୍ୟ ତଦନ୍ତ ଜାରି ରଖିଥିବା ବେଳେ ପୁଣି ଆଉ ଏକ ହତ୍ୟାକାଣ୍ଡ ଘଟଣା ସାମ୍ନାକୁ ଆସିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ