ନୂଆଦିଲ୍ଲୀ: ଦେଶର ଜଣେ ବିଖ୍ୟାତ ବିଦ୍ବାନ, ସନ୍ୟାସୀ , ଦୁରଦର୍ଶୀ ଯୁବବର୍ଗଙ୍କ ମାର୍ଗଦର୍ଶକ ସ୍ବାମୀ ବିବେକାନନ୍ଦଙ୍କ ଆଜି ହେଉଛି ଶ୍ରାଦ୍ଧବାର୍ଷିକୀ । ଏହି ଅବସରରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ସେ କହିଛନ୍ତି ଯେ ବିବେକାନନ୍ଦ ଭାରତର ସଂସ୍କୃତିକୁ ବିଶ୍ବରେ ପ୍ରତିଫଳନ କରିଛନ୍ତି ।
ଏନେଇ ଅମିତ ଶାହା ଟ୍ବିଟ କରି କହିଛନ୍ତି ଯେ, ସ୍ବାମୀ ବିବେକାନନ୍ଦ ଭାରତୀୟତାର ଅସୀମ ଜ୍ଞାନ ଏବଂ ସକରାତ୍ମକ ଶକ୍ତି ସହିତ ସମକକ୍ଷ । ସେ ମାନବଜାତିର ଉନ୍ନତି ତଥା କଲ୍ୟାଣ ପାଇଁ ପଥ ଉନ୍ମୋଚିତ କରିଥିଲେ। ତାଙ୍କର ଶିକ୍ଷା, ପ୍ରେରଣାଦାୟକ ଚିନ୍ତାଧାରା ଏବଂ ପ୍ରୟାସ ଦେଶର ବିକାଶରେ ସହାୟକ ହୋଇଥିଲା। ଭାରତର ଦର୍ଶନ ଏବଂ ସଂସ୍କୃତିକୁ ବିଶ୍ବରେ ପ୍ରତିଫଳନ କରିଛନ୍ତି ସେ । ମୁଁ ଏହି ମହାନ ବ୍ୟକ୍ତିତ୍ବଙ୍କୁ ସାଷ୍ଟାଙ୍ଗ ପ୍ରଣାମ କରୁଛି। କେନ୍ଦ୍ର ମନ୍ତ୍ରୀ ନିତିନ ଗଡକରୀ ମଧ୍ୟ ଏହି ଅବସରରେ ସ୍ବାମୀ ବିବେକାନନ୍ଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି କହିଛନ୍ତି ଯେ ବିବେକାନନ୍ଦ 'ଯୁବକଙ୍କ ପ୍ରେରଣା' ତଥା ମହାନ ଚିନ୍ତକ ।