କୋଲକାତା: ଦୁଇ ଦିନିଆ ପଶ୍ଚିମବଙ୍ଗ ଗସ୍ତରେ ଥିବା ଗୃହମନ୍ତ୍ରୀ ଅମିତ ଶାହା ଆଜି ଜଣେ ଚାଷୀଙ୍କ ଘରେ ଭୋଜନ କରିଛନ୍ତି । କୃଷି ଆଇନକୁ ନେଇ ସାରା ଦେଶରେ ଆନ୍ଦୋଳନ ଜାରି ରହିଥିବାବେଳେ, ଅନ୍ନ ଦାତାଙ୍କ ଘରେ ବସି ଖାଇଛନ୍ତି ଶାହା । ଏହା ଦ୍ବାରା ସେ ବିଜେପି ଚାଷୀଙ୍କ ସହ ଥିଲା ଓ ରହିଛି ବୋଲି ବାର୍ତ୍ତା ଦେବାକୁ ଚେଷ୍ଟା କରିଛନ୍ତି । ମେଦିନପୁରରେ ବିଶାଳ ରାଲିରେ ଯୋଗ ଦେବା ପୂର୍ବରୁ ବଲିଜୁରୀ ଗାଁରେ ଶାହାଙ୍କ ସମେତ ବିଜେପିର ସାଧାରଣ ସମ୍ପାଦକ କୈଳାଶ ବିଜୟବର୍ଗୀୟ, ଦିଲ୍ଲୀପ ଘୋଷ ମିଶି ମଧ୍ୟାହ୍ନ ଭୋଜନ କରିଥିଲେ ।
ପଶ୍ଚିମବଙ୍ଗରେ ଗସ୍ତରେ ଅମିତ ଶାହା
ସନାତନ ସିଂ ନାମକ କୃଷକଙ୍କ ଘରେ ଶାହା ଆଜି ମଧ୍ୟାହ୍ନ କରିଥିଲେ । ଯାହାକୁ ନେଇ କୃଷକ ଜଣକ ନିଜର ଖୁସି ବ୍ୟକ୍ତ କରିଛନ୍ତି । ସେ କହିଛନ୍ତି, ତାଙ୍କ ସହ ଏପରି କେବେ ଘଟିବ ସେ କେବେ ମଧ୍ୟ ଭାବି ନଥିଲେ । ଜଣେ ସାଧାରଣ କୃଷକ ହେବା ସହ ଆୟ ନଥିବାରୁ ସେ କେବଳ ଭାତ ଡାଲି ଦେଇଥିବା କହିଛନ୍ତି ।