ନୂଆଦିଲ୍ଲୀ: ଜୀବନ ପାଇଁ ଅନ୍ୟ ମାଦକ ଦ୍ରବ୍ୟର ଯେପରି ଆବଶ୍ୟକତା ରହିଛି ସେପରି ଡ୍ରଗର ମଧ୍ୟ ଆବଶ୍ୟକତା ରହିଛି । ଟିକସ୍ ଆଦାୟ କରି ଯେପରି ଗୁଟଖା, ପାନମସଲା ଏବଂ ତମାଖୁଜାତ ଦ୍ରବ୍ୟ ବିକ୍ରିକୁ ଅନୁମତି ମିଳିଛି ସେହିପରି ଡ୍ରଗକୁ ଅନୁମତି ମିଳିବା ଉଚିତ୍ ବୋଲି କହିଛନ୍ତି ବରିଷ୍ଠ ଆଇନଜୀବୀ ତଥା କଂଗ୍ରେସ ରାଜ୍ୟସଭା ସାଂସଦ କେଟିଏସ ତୁଳସୀ ।
ଗଣମାଧ୍ୟମକୁ ପ୍ରତିକ୍ରିୟା ଦେଇ ତୁଳସୀ କହିଛନ୍ତି ଯେ, 'ମଦ, ଗୁଟଖା, ତମାଖୁ, ସିଗାରେଟ ଶରୀରରେ କ୍ଷତି କରେ । ଯଦି ଟଙ୍କା ନେଇ ଏଗୁଡିକୁ ଖାଇବାକୁ ଅନୁମତି ଦିଆଯାଉଛି ତେବେ ଡ୍ରଗକୁ କାହିଁକି ନୁହେଁ । ମାଦକ ପ୍ରତ୍ୟେକ ଜୀବନର ଏକ ଅବିଚ୍ଛେଦ୍ୟ ଅଂଶ, ଏହା ଯନ୍ତ୍ରଣା ଲାଘବ କରେ । ତେଣୁ ନିୟନ୍ତ୍ରିତ ପରିମାଣରେ ଡ୍ରଗ ଜୀବନ ପାଇଁ ଦରକାର ।'