ଲକ୍ଷ୍ନୌ:ସମାଜବାଦୀ ପାର୍ଟି ନେତା ତଥା ଉତ୍ତର ପ୍ରଦେଶ ପୂର୍ବତନ କ୍ୟାବିନେଟ ମନ୍ତ୍ରୀ ଆଜମ ଖାନଙ୍କୁ ମିଳିଲା ଜାମିନ । ଆଜମ ଖାନ ଆଜି ଆହ୍ଲାବାଦ ହାଇକୋର୍ଟରୁ ଜାମିନ ପାଇବାରେ ସଫଳ ହୋଇଛନ୍ତି । କିନ୍ତୁ ସେ ଜେଲରୁ ବାହାରିବା ଚିତ୍ର ଏବେ ମଧ୍ୟ ସ୍ପଷ୍ଟ ହୋଇନାହିଁ । ଗତ କିଛି ଦିନ ତଳେ ତାଙ୍କ ବିରୋଧରେ ନୂଆ ମାମଲା ଦାଏର ହୋଇଛି । ଯାହା ବିଚାରାଧୀନ ରହିଛି ।
ଆଜି ଏକ ମାମଲାରେ 1 ଲକ୍ଷ ଟଙ୍କା ମୁଚାଲିକାରେ ତାଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି କୋର୍ଟ । ଜଷ୍ଟିସ ରାହୁଲ ଚତୁର୍ବେଦୀ ଆଜି ଏହି ମାମଲାର ଶୁଣାଣି କରିଥିଲେ । ସୂଚନା ଅନୁସାରେ ବର୍ତ୍ତମାନ ସୁଦ୍ଧା ମୋଟ 88 ମାମଲାରେ ଆଜମ ଖାନଙ୍କୁ ଜମିନ ମିଳିସାରିଛି ।