ନୂଆଦିଲ୍ଲୀ: ଦେଶରେ ବର୍ତ୍ତମାନ ହୁ ହୁ ହୋଇ ବୃଦ୍ଧି ପାଇବାରେ ଲାଗିଛି କୋରୋନାର ଓମିକ୍ରନ ଭାରିଆଣ୍ଟ । ଏହାକୁ ନଜରରେ ରଖି ବିଦେଶ ଫେରନ୍ତାଙ୍କୁ ୭ ଦିନ ବାଧ୍ୟତାମୂଳକ ହୋମ କ୍ବାରେଣ୍ଟାଇନରେ (7 days home quarantine Compulsory for foreign returns) ରହିବା ପାଇଁ ନିର୍ଦ୍ଦେଶ ଜାରୀ କରିଛନ୍ତି ସରକାର ।
ବିଦେଶରେ ଥିବା ଭାରତୀୟ ମାନେ ଫେରିଲେ ୭ ଦିନ ହୋମକ୍ବାରେଣ୍ଟାଇନ ବାଧ୍ୟତାମୂଳକ। ଏହା ଆସନ୍ତା ଜାନୁୟାରୀ ୧୧ ରୁ ଲାଗୁ କରିବା ପାଇଁ ନିର୍ଦ୍ଦେଶ ଜାରୀ କରାଯାଇଛି। ଏନେଇ ଭାରତ ସରକାରଙ୍କ ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଗାଇଡଲାଇନ ଜାରି କରାଯାଇଛି। କୋରୋନାର ଓମିକ୍ରନ ଭାରିଆଣ୍ଟର ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ସରକାର ହୋମକ୍ବାରେଣ୍ଟାଇନ ବାଧ୍ୟତାମୂଳକ ଘୋଷଣା କରିଛନ୍ତି। ଅଧିକ କୋରୋନାର ସଂକ୍ରମିତ ଚିହ୍ନଟ ହେଉଥିବ ଦେଶରୁ ଫେରିଲେ ତୁରନ୍ତ କୋଭିଡ ଟେଷ୍ଟ କରିବା ପାଇଁ କଡା ନିର୍ଦ୍ଦେଶ ଦିଆଯାଇଛି । ଏହା ସହ ରିପୋର୍ଟ ଯଦି ନେଗେଟିଭ ଆସୁଛି ତେବେ ଅନ୍ୟ ଫ୍ଲାଇଟ କିମ୍ବା ଯାନ ଧରିବା ପାଇଁ କୁହାଯାଇଛି। ଏହା ପରେ ଘରେ ୭ ଦିନିଆ ହୋମକ୍ବାରେଣ୍ଟାଇନ ରହିବା ପାଇଁ ବାଧ୍ୟତାମୂଳକ କରାଯାଇଛି।