ଅଫିସ ଆସିବେ କେନ୍ଦ୍ର ସରକାରଙ୍କ ସମସ୍ତ କର୍ମଚାରୀ

ଦେଶରେ ବର୍ତ୍ତମାନ କୋରୋନା ସଂକ୍ରମଣ ହାର କମିବାରେ ଲାଗିଛି ତେଣୁ ସମସ୍ତ କେନ୍ଦ୍ର ସରକାର କର୍ମଚାରୀଙ୍କୁ ଅଫିସ ଆସିବାକୁ କୁହାଯାଇଛି । ଅଧିକ ପଢନ୍ତୁ...

ନୂଆଦିଲ୍ଲୀ: ଦେଶରେ ବର୍ତ୍ତମାନ କୋରୋନା ସଂକ୍ରମଣ ହାର କମିବାରେ ଲାଗିଛି ତେଣୁ ସମସ୍ତ କେନ୍ଦ୍ର ସରକାର କର୍ମଚାରୀଙ୍କୁ ଅଫିସ ଆସିବାକୁ କୁହାଯାଇଛି । ରାଜଧାନୀ ସମେତ ଦେଶରେ ଆକ୍ଟିଭ୍ କୋରୋନା ମାମଲା ସଂଖ୍ୟା କମିବା ପରେ ଏହି ନିଷ୍ପତ୍ତି ନିଆଯାଇଛି । ମନ୍ତ୍ରଣାଳୟ ପକ୍ଷରୁ ଜାରି ବୟାନ ଅନୁସାରେ, ଯେଉଁ ଅଫିସରଙ୍କ ଘର କଣ୍ଟେନମେଣ୍ଟ ଜୋନରେ ସେମାନଙ୍କୁ ଛୁଟି ଦିଆଯିବ । କଣ୍ଟେନମେଣ୍ଟ ଜୋନ ଶେଷ ପରେ ଅଫିସ ଆସିପାରିବେ କର୍ମଚାରୀ ।

ମେ ମାସରେ କେନ୍ଦ୍ର ସରକାର ଡେପୁଟି ସେକ୍ରେଟାରୀ ସ୍ତରରୁ 50 ପ୍ରତିଶତ କର୍ମଚାରୀଙ୍କୁ ସେମାନଙ୍କ କାର୍ଯ୍ୟାଳୟରୁ କାମ କରିବାକୁ କହିଥିଲେ। କୋରୋନା ସଙ୍କଟକୁ ଦୃଷ୍ଟିରେ ରଖି ଏଥିପାଇଁ ଅନେକ ଥର ସ୍ଲଟ୍ ସ୍ଥିର କରାଯାଇଥିଲା, ଯାହା ଦ୍ବାରା କର୍ମଚାରୀ ସଂକ୍ରମଣ ବିରୁଦ୍ଧରେ କାମ କରିପାରିବ। ବର୍ତ୍ତମାନ ସମୟରେ ବିବୃତ୍ତିରେ କୁହାଯାଇଛି ଯେ ବିଭାଗୀୟ ମୁଖ୍ୟ କର୍ମଚାରୀଙ୍କ ପାଇଁ ସମୟ ସ୍ଥିର କରିବେ ।

କେନ୍ଦ୍ର ସରକାରଙ୍କ ସମସ୍ତ ବିଭାଗକୁ ଶନିବାର ବିଳମ୍ବିତ ରାତିରେ ଜାରି କରାଯାଇଥିବା ଆଦେଶରେ କୁହାଯାଇଛି ଯେ ସବୁ ସ୍ତରରେ ସରକାରୀ କର୍ମଚାରୀ କୌଣସି ଛୁଟି ନନେଇ କାର୍ଯ୍ୟ କରିବେ । ତେବେ ବାୟୋମେଟ୍ରକି ଉପସ୍ଥାପନାକୁ ସସପେଣ୍ଡ ରଖାଯାଇଛି । କଣ୍ଟେନମେଣ୍ଟ ଜୋନରେ ରହିଥିବା କର୍ମଚାରୀ ଘରୁ କାମ କରିବେ । ନିର୍ଦ୍ଦେଶରେ ଏହା ମଧ୍ୟ କୁହାଯାଇଛି ଯେ, ସମସ୍ତ ବୈଠକରେ ଭର୍ଚୁଆଲ କରାଯିବ ।