ନୂଆଦିଲ୍ଲୀ:ଟେଲିକମ ସଂସ୍ଥା ଭାରତୀ ଏୟାରଟେଲର ନୂଆ ପଦକ୍ଷେପ । ରିଚାର୍ଜ ପ୍ଲାନ ବଢାଇଛି ଏୟାରଟେଲ । ପ୍ରିପେଡ୍ ରିଚାର୍ଜ ପ୍ଲାନକୁ ୨୫ ପ୍ରତିଶତ ବୃଦ୍ଧି କରିଛି Airtel । ଆସନ୍ତା ନଭେମ୍ବର ୨୬ରୁ Base Tariff Plan ପ୍ରଯୁଜ୍ୟ ହେବ ।
Airtel କହିଛି ମୋବାଇଲ୍ ARUP(Average Revenue Per User) ହାରାହାରି ରାଜସ୍ବ ପ୍ରତି ଉପଭୋକ୍ତା 200 ଟଙ୍କାରୁ 300 ଟଙ୍କା ହେବା ଉଚିତ । କମ୍ପାନୀ ଆହୁରି କହିଛି ଯେ ଏହି ARPU ପୁଞ୍ଜି ଉପରେ ଏକ ଯୁକ୍ତିଯୁକ୍ତ ରିଟର୍ଣ୍ଣ ପ୍ରଦାନ କରିବ ଏବଂ ଏକ ବ୍ୟବସାୟ ମଡେଲ ହେବ । ଫଳସୂରୁପ, ଯୋଜନା ଗୁଡିକ ବର୍ତ୍ତମାନ 25% ବ୍ୟୟବହୁଳ ହୋଇଛି । ବଢିଥିବା ନୂଆ ଟଙ୍କା ନଭେମ୍ବର ୨୬ରୁ ଲାଗୁ ହେବ ।
ବର୍ତ୍ତମାନ ଏୟାରଟେଲର ସବୁଠାରୁ ଶସ୍ତା ଯୋଜନା ରହିଛି ୭୯ ଟଙ୍କା । ଯାହାର ୨୫ ପ୍ରତିଶତ ବୃଦ୍ଧି ହୋଇଛି । ବର୍ତ୍ତମାନ ଗ୍ରାହକ ଏହାକୁ ୯୯ ଟଙ୍କାରେ ପାଇବେ । ଏହା କେବଳ ଗୋଟିଏ ରିଚାର୍ଜ ପ୍ଲାନ ନୁହେଁ ଯାହା ବଢିଛି କମ୍ପାନୀ ପ୍ରାୟ ସମସ୍ତ ଅସୀମିତ ରିଚାର୍ଜ ପ୍ୟାକର ମୂଲ୍ୟ ବୃଦ୍ଧି କରିଛି ।