ଜୟପୁର:ରାଜସ୍ଥାନର ଜୈସଲମେର ସିଭିଲ ଏୟାରପୋର୍ଟ ଠାରେ ଶନିବାର ଅବତରଣ କରିବାକୁ ଥିବା ସ୍ପାଇସଜେଟ ବିମାନ 3 ଥର ଉଦ୍ୟମ ସତ୍ତ୍ବେ ଅବତରଣ କରିପାରି ନଥିଲା । ଫଳରେ ବିପଦ୍ଜନକ ଅବସ୍ଥାରେ ପ୍ରାୟ 1 ଘଣ୍ଟା ଧରି ଯାତ୍ରୀଙ୍କୁ ମଝି ଆକାଶରେ ଝୁଲାଇ ରଖିଥିଲା ବିମାନ ।
ମିଳିଥିବା ସୂଚନା ଅନୁସାରେ ଗତ ଶନିବାର ଅହମ୍ମଦାବାଦରୁ 12ଟା 5 ମିନିଟରୁ ସ୍ପାଇସଜେଟ ବିମାନ SG-3012 ଯାତ୍ରା ଆରମ୍ଭ କରି ରାଜସ୍ଥାନ ଜୈସଲମେର ବିମାନ ବନ୍ଦରରେ ଦିନ 1ଟା ବେଳେ ପହଞ୍ଚିଥିଲା । ପାଇଲଟ ବିମାନର ସୁରକ୍ଷିତ ଅବତରଣ କରିବା ପାଇଁ ପ୍ରାୟ 3 ଥର ଚେଷ୍ଟା କରିବା ପରେ ବିଫଳ ହୋଇଥିଲେ । ବିମାନର ଯାନ୍ତ୍ରିକ ତ୍ରୁଟି କାରଣରୁ ଏପରି ପରିସ୍ଥିତି ସୃଷ୍ଟି ହୋଇଥିଲା । ଏ ସମ୍ପର୍କରେ ଯାତ୍ରୀମାନଙ୍କୁ ସୂଚନା ଦିଆଯିବା ପରେ ସମସ୍ତେ ଭୟଭୀତ ହୋଇପଡି ପ୍ରାର୍ଥନା କରିବା ଆରମ୍ଭ କରିଥିଲେ ।