ନୂଆଦିଲ୍ଲୀ: ବାୟୁସେନା ମୁଖ୍ୟ ଭାବେ ଦାୟିତ୍ବ ନେଲେ ଏୟାର ମାର୍ଶଲ ଭି.ଆର ଚୌଧୁରୀ । ଦେଶର ୨୭ତମ ବାୟୁସେନା ମୁଖ୍ୟ ହେଲେ ଭି.ଆର ଚୌଧୁରୀ । ପୂର୍ବତନ ବାୟୁସେନା ମୁଖ୍ୟ ଆରକେଏସ ଭଦୌରିଆଙ୍କ ଠାରୁ ସେ ଆଜି(ଗୁରୁବାର) ଦାୟିତ୍ୱ ଗ୍ରହଣ କରିଛନ୍ତି ।
ଦାୟିତ୍ୱ ନେବା ପରେ ତାଙ୍କୁ ଗାର୍ଡ ଅଫ ଅନର ପ୍ରଦନ କରାଯାଇଛି । ଆରକେଏସ ଭଦୌରିଆଙ୍କର ଆଜି କାର୍ଯ୍ୟକାଳ ଶେଷ ହେଉଥିବାରୁ ଚୌଧୁରୀଙ୍କୁ ଏହି ଦାୟିତ୍ବ ଦିଆଯାଇଛି । ଆସନ୍ତା ୩ ବର୍ଷ ଯାଏଁ ଏବେ ବିବେକ ରାମ ଚୌଧୁରୀ ବାୟୁସେନା ମୁଖ୍ୟ ପଦରେ ରହିବେ ।
ପୂର୍ବରୁ ଏୟାର ମାର୍ଶଲ ଥିବା ବିବେକ ଚୌଧୁରୀଙ୍କର ୩ ହଜାର ୮ଶହ ଘଣ୍ଟା ଯୁଦ୍ଧ ବିମାନ ଉଡ଼ାଇବାର ଅଭିଜ୍ଞତା ଅଛି । ଭାଇସ୍ ଚିଫ୍ ହେବା ଆଗରୁ ସେ ୱେଷ୍ଟର୍ଣ୍ଣ କମାଣ୍ଡ ଦାୟିତ୍ୱରେ ଥିଲେ । ମିଗ୍ ସିରିଜ୍ର-୨୧, ୨୯ ଫ୍ଲାଇଟ୍ ଉଡ଼ାଇବା ସହିତ ସୁଖୋଇ ବି ସେ ଉଡ଼ାଇଛନ୍ତି ।