ନୂଆଦିଲ୍ଲୀ: ପାଲେଷ୍ଟାଇନ ଆତଙ୍କବାଦୀ ଗୋଷ୍ଠୀର ଆକ୍ରମଣ ପରେ ଛାରଖାର ହୋଇଯାଇଛି ଇସ୍ରାଏଲ । ଆକ୍ରମଣର ପ୍ରତି ଜବାବ ଦେଇ ଇସ୍ରାଏଲ ୟୁଦ୍ଧ ଘୋଷଣା କରିଛି । ଏହାରି ମଧ୍ୟରେ ଇସ୍ରାଏଲର ଟେଲ ଏଭିଭ ଏୟାରପୋର୍ଟକୁ ଆସନ୍ତା 14 ତାରିଖ ପର୍ଯ୍ୟନ୍ତ ଉଡାଣ ବାତିଲ କରିଛି ଏୟାର ଇଣ୍ଡିଆ । ଯାତ୍ରୀ ଓ ବିମାନ କର୍ମଚାରୀଙ୍କ ସୁରକ୍ଷା ଦୃଷ୍ଟିରୁ ଏୟାର ଇଣ୍ଡିଆ କର୍ତ୍ତୃପକ୍ଷ ଏହି ନିଷ୍ପତ୍ତି ନେଇଥିବା ସୂଚନା ଦେଇଛନ୍ତି ।
ଏନେଇ ଏୟାର ଇଣ୍ଡିଆ ମୁଖପାତ୍ର ଏକ ବିବୃତ୍ତି ଜାରି କରି କହିଛନ୍ତି, "ଭାରତରୁ ଟେଲ ଏଭିଭ ଏୟାରପୋର୍ଟ ଓ ଟେଲ ଏଭିଭରୁ ଭାରତ ଆସିବାକୁ ଥଇବା ସମସ୍ତ ଏୟାର ଇଣ୍ଡିଆ ବିମାନକୁ ଆସନ୍ତା 14 ତାରିଖ ପର୍ଯ୍ୟନ୍ତ ବାତିଲ କରାଯାଇଛି । ଇସ୍ରାଏଲରେ ପାଲେଷ୍ଟାଇନ ଆକ୍ରମଣ କରୁଥିବାରୁ ଯାତ୍ରୀ ଓ ବିମାନ କର୍ମଚାରୀଙ୍କ ସୁରକ୍ଷା ଦୃଷ୍ଟିରୁ ଏହି ନିଷ୍ପତ୍ତି ନିଆଯାଇଛି । ଯେଉଁ ଯାତ୍ରୀମାନେ ଆଗୁଆ ବିମାନ ଟିକେଟ କରିଥିଲେ, ସେମାନଙ୍କ ଅର୍ଥ ଫେରସ୍ତ କରିବା ଦିଗରେ ଏୟାର ଲାଇନ୍ସ ପକ୍ଷରୁ ସମସ୍ତ ପ୍ରକାର ସୁବିଧା ଯୋଗାଇ ଦିଆଯିବ । "
ଏହା ବି ପଢନ୍ତୁ- Attack on Israel: ଦୁଇଟି ବିମାନ ଉଡାଣ ବାତିଲ କଲା ଏୟାର ଇଣ୍ଡିଆ
ଦିଲ୍ଲୀରୁ ଇସ୍ରାଏଲର ଟେଲ ଏଭିଭ ଏୟାରପୋର୍ଟକୁ ସପ୍ତାହର 5ଦିନ ଏୟାର ଇଣ୍ଡିଆ ଉଡାଣ ଭରିଥାଏ । ଏହି ଦିନ ଗୁଡ଼ିକ ହେଉଛି ସୋମବାର, ମଙ୍ଗଳବାର, ଗୁରୁବାର, ଶନିବାର ଓ ରବିବାର । ଗତକାଲି ପାଲେଷ୍ଟାଇନ ଆତଙ୍କବାଦୀ ଗୋଷ୍ଠୀ ଇସ୍ରାଏଲ ଉପରକୁ 5000 ରକେଟ ମାଡ଼ କରିଥିଲା । ଏହି ଆକ୍ରମଣରେ ଇସ୍ରାଏଲରେ ମୃତକଙ୍କ ସଂଖ୍ୟା ଏଯାବତ 250ରେ ପହଞ୍ଚିଥିବା ବେଳେ ହଜାରରୁ ଅଧିକ ଆହତ ହୋଇଛନ୍ତି । ଏହାପରେ ଗତକାଲି ଏୟାର ଇଣ୍ଡିଆ ଉଭୟ ପାର୍ଶ୍ବରୁ ଉଡାଣ ଭରିବାକୁ ଥିବା ବିମାନ ବାତିଲ କରିଥିଲା ।
ଏହା ବି ପଢନ୍ତୁ- Aattck on Israel: ଇସ୍ରାଏଲ ଓ ଗାଜା ମଧ୍ୟରେ ବିବାଦ ଓ ପ୍ରମୁଖ ସାମରିକ ଅପରେସନ
ଶନିବାର ସକାଳୁ ଗାଜା ଷ୍ଟ୍ରିପରୁ ପାଲେଷ୍ଟାଇନ ଆତଙ୍କବାଦୀ ଗୋଷ୍ଠୀ ଇସ୍ରାଏଲ ଉପରେ ୫000ରୁ ଅଧିକ ରକେଟ ମାଡ କରିଥିଲେ । ସକାଳୁ ପ୍ରାୟ ଅତର୍କିତ ଭାବେ ଏହି ଭୟଙ୍କର ଆକ୍ରମଣ ପ୍ରାୟ ୩୦ ମିନିଟ ଧରି ଲାଗି ରହିଥିଲା । ଏଥିରେ ଇସ୍ରାଏଲ ଗଭୀର ଭାବେ କ୍ଷତିଗ୍ରସ୍ତ ହୋଇଛି । ଏବେ ସୁଦ୍ଧା ପ୍ରାୟ 250 ଜଣ ଇସ୍ରାଏଲ ନାଗିରକଙ୍କ ମୃତ୍ୟୁ ଘଟିଛି । ପୁରା ଇସ୍ରାଏଲରେ ଜରୁରୀ ସ୍ଥିତି ଘୋଷଣା କରାଯାଇଥିବା ବେଳେ ପାଲେଷ୍ଟାଇନ ଆତଙ୍କବାଦୀ ଗୋଷ୍ଠୀ ବିରୋଧରେ ଯୁଦ୍ଧ ଘୋଷଣା କରିଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନିତିନ୍ୟାହୁ ।
ବ୍ୟୁରୋ ରିପୋର୍ଟ,ଇଟିଭି ଭାରତ
