ସୋନିଆଙ୍କ ପରେ କୋରୋନା କବଳରେ ପ୍ରିୟଙ୍କା

ପ୍ରିୟଙ୍କା ଗାନ୍ଧୀ କୋଭିଡ ସଂକ୍ରମିତ ଯୋଗୁ ସେ ପ୍ରୋଟୋକଲ ଗୁଡିକର ଯତ୍ନ ନେଇ ଘରେ ରହିଛନ୍ତି ବୋଲି ଟ୍ବିଟର ମାଧ୍ୟମରେ ସୂଚନା ମିଳିଛି। ଅଧିକ ପଢନ୍ତୁ

ନୂଆଦିଲ୍ଲୀ:କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ କୋଭିଡରେ ସଂକ୍ରମିତ । ଗତକାଲି କଂଗ୍ରେସ ସଭାପତି ସୋନିଆ ଗାନ୍ଧୀଙ୍କ କୋରୋନା ପଜିଟିଭ ପରେ ଆଜି ପ୍ରିୟଙ୍କା କୋଭିଡରେ ସଂକ୍ରମିତ ହୋଇଥିବା ସୂଚନା ଦେଇଛନ୍ତି । ପ୍ରିୟଙ୍କା ଗାନ୍ଧୀ ଦୁଇଦିନିଆ ନବ ସଂକଳ୍ପ ଚିନ୍ତନ ଶିବିର ଲକ୍ଷ୍ନୌ ଯାଇଥିବା ବେଳେ ଗତକାଲି ସେ ଦିଲ୍ଲୀରୁ ଫେରିଥିଲେ ।

କୋଭିଡରେ ସଂକ୍ରମିତ ହୋଇଥିବା ନେଇ ଟ୍ବିଟ କରି ସୂଚନା ଦେଇଛନ୍ତି ପ୍ରିୟଙ୍କା । ଟ୍ବିଟ କରି ଲେଖିଛନ୍ତି କି, ମୋର ସାମାନ୍ୟ କୋରୋନା ଲକ୍ଷଣ ରହିଛି । ସମସ୍ତ ପ୍ରୋଟୋକଲକୁ ଧ୍ୟାନରେ ରଖି ମୁଁ ନିଜକୁ କ୍ବାରେଣ୍ଟାଇନରେ ରଖିଛି ।

ସୂଚନା ଥାଉକି, ଗତକାଲି ସୋନିଆ ଗାନ୍ଧୀ ମଧ୍ୟ କୋରୋନା ସଂକ୍ରମିତ ହୋଇଥିଲେ । ସେ ନିଜକୁ ଆଇସୋଲେଟ କରି ରଖିଥିବା କଂଗ୍ରେସ ପ୍ରବକ୍ତା ରଣଦୀପ ସୂର୍ଯ୍ୟେୱାଲା ସୂଚନା ଦେଇଥିଲେ । ନ୍ୟାସନାଲ ହେରାଲ୍ଡ କେସକୁ ନେଇ ଇଡି ଜାଲରେ ଛନ୍ଦି ହୋଇଛନ୍ତି ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ । ଉଭୟଙ୍କୁ ସମନ କରିଛି ଇଡି ।