ବନ୍ଧୁକ ରଖିପାରିବେ ସଲମାନ ଖାନ, ମିଲିଲା ଆର୍ମ ଲାଇସେନ୍ସ

ବାରମ୍ବାର ହତ୍ୟା ଧମକ ମିଳିବା ପରେ ଅଭିନେତା ସଲମାନ ଖାନଙ୍କୁ ମିଳିଲା ଆର୍ମ ଲାଇସେନ୍ସ । ଏଣିିକି ନିଜ ସାଥୀରେ ରଖିପାରିବେ ବନ୍ଧୁକ । ଅଧିକ ପଢନ୍ତୁ

ମୁମ୍ବାଇ:ଏକାଧିକ ଥର ହତ୍ୟା ଧମକ ପାଇ ସାରିଥିବା ବଲିଉଡ ଅଭିନେତା ସଲମାନ ଖାନ ଏବେ ଆତ୍ମରକ୍ଷା ପାଇଁ ରଖିପାରିବେ ବନ୍ଧୁକ । ସଲମାନ ଆବେଦନ କରିଥିବା ଆର୍ମ ଲାଇସେନ୍ସକୁ ଅନୁମତି ଦେଇଛି ମହାରାଷ୍ଟ୍ର ଗୃହ ବିଭାଗ । ଏକାଧିକ ଥର ହତ୍ୟା ଧମକର ଶିକାର ହୋଇଥିବା ସଲମାନ ଖାନ ନିଜେ ତାଙ୍କୁ ବନ୍ଧୁକ ଲାଇସେନ୍ସ ପାଇଁ ଆବେଦନ କରିଥିଲେ ।

ପୂର୍ବରୁ ସଲମାନ ଏକାଧିକ ଥର ହତ୍ୟା ଧମକ ପାଇସାରିଛନ୍ତି । ନିକଟରେ ପଞ୍ଜାବୀ ସିଙ୍ଗର ତଥା କଂଗ୍ରେସ ନେତା ସିଦ୍ଧୁ ମୋସେଓ୍ବାଲା ହତ୍ୟାକାଣ୍ଡ ପରେ ଏକ ଚିଠି ମାଧ୍ୟମରେ ସଲମାନ ଓ ତାଙ୍କ ବାପା ସଲିମ ଖାନଙ୍କୁ ହତ୍ୟା କରାଯିବା ନେଇ ଧମକ ମିଳିଥିଲା । ଏହି ଚିଠିଟି ସଲମାନଙ୍କ ପିତା ସଲିମ ଏକ ପାର୍କରେ ପାଇଥିଲେ । ଏହା ପରେ ସଲମାନ ଓ ତାଙ୍କ ପରିବାରର ସୁରକ୍ଷା ବ୍ୟବସ୍ଥା ବଢାଇ ଦେଇଥିଲା ମୁମ୍ବାଇ ପୋଲିସ । ପରେ ସଲମାନ ମଧ୍ୟ ନିଜ ଆତ୍ମରକ୍ଷା ପାଇଁ ଆର୍ମ ଲାଇସେନ୍ସ ଆବେଦନ କରିଥିଲେ । ଆଜି ତାଙ୍କୁ ଏହି ଲାଇସେନ୍ସ ମିଳିଛି ।