ନୂଆଦିଲ୍ଲୀ: ପୂର୍ବତନ ସାମ୍ବାଦିକ ତଥା ମାନବାଧିକାର କାର୍ଯ୍ୟକର୍ତ୍ତା ଆକାର ପଟେଲ ବିଦେଶ ଯାଉଥିବା ବେଳେ ବେଙ୍ଗାଲୁରୁ ବିମାନ ବନ୍ଦରରେ ଅଟକ ରହିଛନ୍ତି । ଏହାକୁ ନେଇ ପଟେଲ୍ ଟ୍ବିଟ୍ କରିଛନ୍ତି, ବେଙ୍ଗାଲୁରୁ ଏୟାରପୋର୍ଟ ଠାରେ ମୋତେ ରୋକା ଯାଇଛି । ଆମେରିକା ଯାତ୍ରା ପାଇଁ ମୋତେ କୋର୍ଟରୁ ବିଶେଷ ରୂପେ ଅନୁମତି ମିଳିଥିଲା । ହେଲେ ସିବିଆଇ ଅଧିକାରୀ କହୁଛନ୍ତି ଯେ, ‘ମୁଁ ଲୁକଆଉଟ ସର୍କୁଲାରରେ ଅଛି ’। କାରଣ ମୋଦି ସରକାର ଆମ୍ନେଷ୍ଟି ଇଣ୍ଟରନ୍ୟାସନାଲ୍ ଇଣ୍ଡିଆ( Amnesty International India) ବିରୁଦ୍ଧରେ ମାମଲା ରୁଜୁ କରିଛନ୍ତି ।
ଏହାପୂର୍ବରୁ ଭାରତୀୟଙ୍କୁ ଆମେରିକୀୟ ବିରୋଧର ଅନୁକରଣ କରିବା ପାଇଁ ଉସକାଇବା ଘଟଣାରେ ଆମ୍ନେଷ୍ଟି ଇଣ୍ଡିଆର ପୂର୍ବତନ ମୁଖ୍ୟ ଆକାର ପଟେଲଙ୍କ ବିରୁଦ୍ଧରେ ଏତଲା ଦାୟର ହୋଇଥିଲା । ଭାରତୀୟ ଦଣ୍ଡବିଧାନର ଧାରା ୧୧୭(ଜନତା ବା ୧୦ରୁ ଅଧିକ ଲୋକଙ୍କୁ କୌଣସି ଅପରାଧି ପାଇଁ ଉସକାଇବା), ଧାରା ୧୫୩( ଜାଣିଶୁଣି ଦଙ୍ଗାକୁ ପ୍ରୋତ୍ସାହିତ କରିବା) ଏବଂ ଧାରା ୫୦୫-୧ ବି ଅଧିନରେ ଏଫଆଇଆର ଦାୟର ହୋଇଥିଲା ।