ମୁମ୍ବାଇ:ମହାରାଷ୍ଟ୍ରର କଲ୍ୟାଣ ରେଳ ଷ୍ଟେସନରେ ଗତ ବୁଧବାର ଜଣେ ଯାତ୍ରୀ ମରଣ ମୁହଁରୁ ଅଳ୍ପକେ ବର୍ତ୍ତି ଯାଇଛନ୍ତି । ଚଳନ୍ତା ଟ୍ରେନରେ ନିଜ ଲଗେଜ ସହିତ ଚଢୁଥିବା ସମୟରେ ଟ୍ରେନରୁ ଖସିପଡି ପ୍ଲାଟଫର୍ମ ଓ ଟ୍ରେନର ମଝିରେ ଥିବା ଫାଙ୍କରେ ଖସିପଡିଥିଲେ । ତେବେ ରେଳ କର୍ମଚାରୀମାନେ ଯାତ୍ରୀଙ୍କୁ ଉଦ୍ଧାର କରିଥିବା ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ ବୁଧବାର ସନ୍ଧ୍ୟା ସମୟରେ ଜଣେ ଯାତ୍ରୀ ସମସ୍ତିପୁର ଫେଷ୍ଟିଭାଲ ସ୍ପେଶାଲ ଟ୍ରେନ(01021)ରେ ଚଢୁଥିବା ସମୟରେ ଏହି ଦୁର୍ଘଟଣା ଘଟିଥିଲା । ଯାତ୍ରୀ ଜଣକ ଚଳନ୍ତା ଟ୍ରେନରେ ଚଢିବାକୁ ଯାଉଥିବା ଦେଖି ଆଇପିଏଫର ସବ୍-ଇନ୍ସପେକ୍ଟର କବିତା ସାହୁ ଦୌଡି ଯାତ୍ରୀଙ୍କ ନିକଟକୁ ଆସିଥିଲେ ଏବଂ ତାଙ୍କୁ ମରଣ ମୁହଁରୁ ରକ୍ଷା କରିଥିଲେ ।