ରଖେ ଶିବ ମାରେ କିଏ
ଲକ୍ଷ୍ନୌ:କଥାରେ ଅଛି ରଖେ ହରି ତ ମାରେ କିଏ । ଯାହାର ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି ଏହି ଭିଡିଓରେ । ଏକ ୧୨ ବର୍ଷର ନାବାଳକ ଉପରେ ୨୨ ଚକିଆ ଟ୍ରକ ଚଢ଼ିଯିବା ପରେ ବି ସେ ସୁସ୍ଥ ରହିଛି । ଯାହାକୁ ଦେଖି ଚକିତ ହୋଇଯାଇଛନ୍ତି ସ୍ଥାନୀୟ ଲୋକେ । ଉତ୍ତରପ୍ରଦେଶ ସ୍ଥିତ ସନ୍ଥକବୀର ନଗରର ମେହଦାୱାଲରେ ଏଭଳି ଦୃଶ୍ୟ ଦେଖିବାକୁ ମିଳିଛି ।
ଭିଡିଓକୁ ଦେଖିଲେ ଛାତି ଥରି ଉଠିବ । ହେଲେ ଏ ଭିଡିଓରେ ଏଭଳି ବି କିଛି ଦୃଶ୍ୟ ଅଛି ଯାହାକୁ ଦେଖିଲେ ଆପଣ ବିଶ୍ବାସ କରିପାରିବେନି । ଏଠାରେ ଜଣେ 12 ବର୍ଷର ନାବାଳକ । କୌଣସି କାମ ପାଇଁ ରାସ୍ତା ପାର ହେଉଥିଲା । ଠିକ ସେହି ସମୟରେ ଏକ ୨୨ ଚକିଆ ଟ୍ରକ ଆସି ବାଳକକୁ ଶକ୍ତ ଧକ୍କା ଦେଇଥିଲା । ଯେଉଁଥିରେ କି ଟ୍ରକ ତଳେ ପଡ଼ି ଯାଇଥିଲା ପିଲାଟି । କିନ୍ତୁ ପିଲାଟିର କିଛି ହୋଇନଥିଲା । ପରେ ଟ୍ରକଟି ଚାଲିଯିବା ପରେ ପିଲାଟି ଉଠି ରାସ୍ତା ପାର ହୋଇଥିଲା । ତେବେ ଏ ଦୃଶ୍ୟ ଯିଏ ଦେଖିଛି ସେ ନିଜ ଆଖିକୁ ବିଶ୍ବାସ କରିପାରୁନି ।