ବାରମେରରେ ମର୍ମନ୍ତୁଦ ସଡକ ଦୁର୍ଘଟଣା, ଗୋଟିଏ ପରିବାରର ୮ମୃତ

ରାଜସ୍ଥାନ ବାରମେର ଜିଲ୍ଲାର ଗୁଡାମଲାନି ରାସ୍ତାରେ କାର-ଟ୍ରକ ମୁହାଁମୁହିଁ ଧକ୍କା, ୮ଜଣଙ୍କ ମୃତ୍ୟୁ ହେବା ସହ ୨ଜଣ ଆହତ ହୋଇଥିବା ସୂଚନା । ଅଧିକ ପଢନ୍ତୁ

ଜୟପୁର:ରାଜସ୍ଥାନରେ ଭୟଙ୍କର ସଡକ ଦୁର୍ଘଟଣା । ବିବାହରେ ଯୋଗ ଦେବାକୁ ଯାଉଥିବା ବେଳେ କାର-ଟ୍ରକ ମୁହାଁମୁହିଁ ଧକ୍କା, ୮ଜଣଙ୍କ ମୃତ୍ୟୁ ହେବା ସହ ୨ଜଣ ଆହତ ହୋଇଥିବା ସୂଚନା । ବାରମେର (Accident In barmer) ଜିଲ୍ଲାର ଗୁଡାମଲାନି ରାସ୍ତାରେ ଏହି ଦୁର୍ଘଟଣା ଘଟିଥିଲା । ସମସ୍ତ ମୃତକ ଗୋଟିଏ ପରିବାରର ହୋଇଥିବା ଜଣାପଡିଛି । ସୂଚନା ଅନୁଯାୟୀ, ଜାଲୋର ଜିଲ୍ଲାର ସାନଚୋରରେରୁ ଗତକାଲି(ସୋମବାର) ରାତିରେ ଗୋଟି ପରିବାରର ୧୦ ଜଣ ସଦସ୍ୟ ଏକ ଏସୟୁଭି କାରରେ ଗୁଡାମଲାନିରେ ଏକ ବିବାହରେ ଯୋଗଦେବାକୁ ବାହରିଥିଲେ । କିନ୍ତୁ ବିବାହରେ ପହଞ୍ଚିବା ପୂର୍ବରୁ ପୂର୍ବରୁ ଏସୟୁଭି କାରକୁ ଏକ ଟ୍ରକ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ୬ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଗୁରୁତ ଆହତ ହୋଇଥିଲେ । ପରେ ହସ୍ପିଚାଲରେ ୨ଜଣଙ୍କର ମୃତ୍ୟୁ ଘଟିଥିଲା । ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।