ନୂଆଦିଲ୍ଲୀ: ବିରୋଧୀଙ୍କୁ ଧରାଶାୟୀ କରି ନିର୍ବାଚନରେ ବାଜିମାତ୍ କଲା ଆମ ଆଦିମୀ ପାର୍ଟି(ଆପ) । ପଞ୍ଜାବରେ କଂଗ୍ରେସକୁ ଗାଦିଚ୍ୟୁତ କରି ସରକାର ଗଢୁଛି ଆପ । ଏଥିସହ ଦିଲ୍ଲୀ ପରେ ପଞ୍ଜାବ ଦଖଲ କରିବାରେ ସଫଳ ହୋଇଛି ଅରବିନ୍ଦ କେଜ୍ରିୱାଲଙ୍କ ନେତୃତାଧୀନ ଆପ ।
ତେବେ ଆସନ୍ତା ୧୬ ତାରିଖରେ ପଞ୍ଜାବର ନୂଆ ମୁଖ୍ୟମନ୍ତ୍ରୀ ଭାବେ ଭଗୱନ୍ତ ମାନ ଶପଥ ନେବେ । ଏହି ଶପଥ ଗ୍ରହଣ କାର୍ଯ୍ୟକ୍ରମରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଦଳ ସୁପ୍ରିମୋ ଅରବିନ୍ଦ କେଜ୍ରିୱାଲ ଯୋଗ ଦେବାର କାର୍ଯ୍ୟକ୍ରମ ରହିଛି ।
ସେହିପରି ଆଜି ସଂଧ୍ୟାରେ ଚଣ୍ଡିଗଡରେ ଆପ ବିଧାୟକ ଦଳ ବୈଠକ ଅନୁଷ୍ଠିତ ହେବ । ଏଠାରେ ବିଧାୟକ ଭଗୱନ୍ତ ମାନ ଦଳର ମୁଖ୍ୟମନ୍ତ୍ରୀ ଭାବେ ନିର୍ବାଚିତ କରିବେ । ଏହା ପରେ ୧୬ ତାରିଖରେ ମାନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ ।