ନୂଆଦିଲ୍ଲୀ:ଦିଲ୍ଲୀ wakf ବୋର୍ଡ ଦୁର୍ନୀତି ମାମଲାରେ ଗିରଫ ହେଲେ ଆପ୍ ବିଧାୟକ ଆମନାତୁହ୍ଲା ଖାନ୍ । ଏହାକୁ ନେଇ ଦୁର୍ନୀତି ନିବାରଣ ବିଭାଗ ପକ୍ଷରୁ ଆପ୍ ବିଧାୟକ ଓ ତାଙ୍କ ବିଜ୍ନେସ୍ ପାର୍ଟନରଙ୍କ ଘରେ ଚଢ଼ାଉ କରାଯାଇଥିଲା । ଚଢାଉ ବେଳେ ତାଙ୍କ ବାସଭବନ ଓ ବିଜ୍ନେସ୍ ପାର୍ଟନର ବାସଭବନରୁ ମୋଟ ୨୪ ଲକ୍ଷ ଟଙ୍କା ଓ ଦୁଇଟି ବେଆଇନ୍ ପିସ୍ତଲ ଜବତ ହୋଇଛି ।
ଟଙ୍କା ଓ ବେଆଇନ ଗୁଳି ପିସ୍ତଲ ଜବତ ହେବାପରେ ବିଧାୟକଙ୍କୁ ଗିରଫ କରାଯାଇଛି । ଦିଲ୍ଲୀ wakf ବୋର୍ଡରେ ବେଆଇନ୍ ଭାବରେ ନିଯୁକ୍ତି ପ୍ରଦାନ କରାଯାଇଥିବା ନେଇ ଅଭିଯୋଗ ହୋଇଥିଲା । ଦିଲ୍ଲୀ wakf ବୋର୍ଡର ଅଧ୍ୟକ୍ଷ ଦାୟିତ୍ବରେ ଅଛନ୍ତି ବିଧାୟକ ଆମନାତୁହ୍ଲା ଖାନ୍ । ତାଙ୍କୁ ନେଇ ସନ୍ଦେହ ହେବାରୁ ଶୁକ୍ରବାର ତାଙ୍କ ବାସଭବନରେ ଚଢ଼ାଉ କରିଥିଲା ଦୁର୍ନୀତି ନିବାରଣ ବିଭାଗ । ତା ସହିତ ତାଙ୍କ ବିଜନେସ୍ ପାର୍ଟନର୍ଙ୍କ ଘରେ ମଧ୍ୟ ଚଢ଼ାଉ କରାଯାଇଥିଲା ।