ଭାରସାମ୍ୟ ହରାଇ ମାଡିଗଲା ଟ୍ରକ: 4 ମୃତ, 7 ଗୁରୁତର

କୋଲକାତାରେ ଭାରସାମ୍ୟ ହରାଇ ଲୋକଙ୍କ ଉପରେ ମାଡିଗଲା ଟ୍ରକ । 4 ମୃତ, 7 ଗୁରୁତର । ଅଧିକ ପଢନ୍ତୁ...

କୋଲକାତା:ପଶ୍ଚିମବଙ୍ଗ ସ୍ଥିତ ବୁରୁଦ୍ବାଁ ପୁଲସିଟରେ ସଡକ ଦୁର୍ଘଟଣା । ଏଥିରେ 4 ଜଣଙ୍କର ମୃତ୍ୟୁ ହୋଇ ଥିବାବେଳେ 7 ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରେ କେତେକଙ୍କ ଅବସ୍ଥା ସଙ୍କଟାପନ୍ନ ଥିବାରୁ ମୃତ୍ୟୁ ସଂଖ୍ୟା ବଢିପାରେ ବୋଲି ପୋଲିସ କହିଛି ।

ସୂଚନା ଅନୁଯାୟୀ ଆଜି(ବୁଧବାର) ପଶ୍ଚିମବଙ୍ଗ ପୁଲସିଟରେ ଏକ ଟ୍ରକ ଭାରସାମ୍ୟ ହରାଇ ଜାତୀୟ ରାଜପଥ ନଂ 2 ରେ ଥିବା ପ୍ରଥମେ ଏକ ବାଇକକୁ ଧକ୍କା ଦେଇ ଏକ ସାଇକେଲକୁ ଧକ୍କା ଦେଇଥିଲା । ପରେ ଟ୍ରକଟି ରାସ୍ତାକଡରେ ଛିଡା ହୋଇଥିବା 11 ଜଣ ବ୍ୟକ୍ତିଙ୍କ ଉପରେ ମାଡି ଯାଇଥିଲା । ଏଥିରେ 4 ଜଣ ପ୍ରାଣ ହରାଇଛନ୍ତି । ଗୁରୁତରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ