ଅମରାବତୀ: ଆନ୍ଧ୍ରପ୍ରଦେଶର କୁର୍ଣ୍ଣୁଲ ଜିଲ୍ଲାରେ ଅଭାବନୀୟ ଘଟଣା । ଛୁଟିରେ ଘରକୁ ଫେରୁଥିବାବେଳେ ଟ୍ରେନରୁ ଖସି ଯବାନଙ୍କ ମୃତ୍ୟୁ ହେବା ପରେ ଆତ୍ମହତ୍ୟା ଉଦ୍ୟମ କରିଛନ୍ତି ଯବାନଙ୍କ ଗର୍ଭବତୀ ସ୍ତ୍ରୀ । ମୃତ ଯବାନ କୁର୍ଣ୍ଣୁଲ ଜିଲ୍ଲାର ନନ୍ଦଭାରାମ ମଣ୍ଡଳ ଅଧୀନ କାନାକାଭିଡୁପେଟା ଅଞ୍ଚଳର ୨୯ ବର୍ଷୀୟ ମନୋହର । ସେ ୧୦ ବର୍ଷ ପୂର୍ବେ ଭାରତୀୟ ସେନାରେ ଯୋଗ ଦେଇଥିବାବେଳେ ବର୍ତ୍ତମାନ ହିମାଚଳ ପ୍ରଦେଶରେ କାର୍ଯ୍ୟରତ ଥିଲେ ବୋଲି ଜଣାପଡିଛି । ତେବେ ଗତ ୭ ତାରିଖ (ଗୁରୁବାର) ସେ ଛୁଟିରେ ନିଜ ଘର କର୍ଣ୍ଣୁଲ ଫେରୁଥିବାବେଳେ ମଧ୍ୟ ପ୍ରଦେଶରେ ଏହି ଅଘଟଣ ଘଟିଛି ।
ମନୋହର ଛୁଟିରେ ଘରକୁ ଫେରୁଥିବାବେଳେ ଗୁରୁବାର (ଅକ୍ଟୋବର 7) ମଧ୍ୟରାତ୍ରିରେ ମଧ୍ୟପ୍ରଦେଶରେ ଟ୍ରେନରୁ ଓହ୍ଲାଇଥିଲେ । ପରେ ସେ ଟ୍ରେନକୁ ଚଢିବା ସମୟରେ ଖସି ପଡିବାରୁ ତାଙ୍କୁ ଗଭୀର ଆଘାତ ଲାଗିଥିଲା । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା ।