ହାଇଦ୍ରାବାଦ: ନିଷେଧ ଘୋଷଣା କରାଯାଇଥିବା ଆତଙ୍କୀ ସଂଗଠନ ISIS ଓ ଅନ୍ୟ କିଛି ଆତଙ୍କୀ ସଂଗଠନର ଓ୍ବେବସାଇଟ ଆକସେସ କରିବାରୁ ଜଣେ ଯୁବକଙ୍କୁ ଗିରଫ କରିଛି ତେଲେଙ୍ଗାନା ପୋଲିସ । ହାଇଦ୍ରାବାଦର ଓଲ୍ଡ ସିଟିି ଅଞ୍ଚଳରେ ଘଟିଛି ଏହି ଘଟଣା । ଗିରଫ ଯୁବକଜଣଙ୍କ ଆତଙ୍କୀ ସଂଗଠନ isis ର ଓ୍ବେବସାଇଟ ଆକସେସ କରୁଥିବା ସାଇବର ସେଲରୁ ଜଣାପଡିବା ପରେ ପୋଲିସ ଚଢାଉ କରିବା ସହ ସମ୍ପୃକ୍ତ ଯୁବକଙ୍କୁ ଗିରଫ କରିଛି । ତଦନ୍ତ ଦୃଷ୍ଟିରୁ ଗିରଫ ଅଭିଯୁକ୍ତର ପରିଚୟ ବର୍ତ୍ତମାନ ପର୍ଯ୍ୟନ୍ତ ସାର୍ବଜନୀନ କରାଯାଇ ନଥିବାବେଳେ ପଚରା ଉଚରା ଜାରି ରହିଛି ।
ଆତଙ୍କୀ ସଂଗଠନମାନେ ନିଜ ଓ୍ବେବସାଇଟ ମାଧ୍ୟମରେ ଯୁବକଙ୍କୁ ସଂଗଠନରେ ସାମିଲ ହେବା ପାଇଁ ବିଭିନ୍ନ ପ୍ରକାର ଉପାୟରେ ପ୍ରଲୋଭିତ କରିଥାନ୍ତି । ଏପରି କାର୍ଯ୍ୟକଳାପ ଉପରେ ସାଇବର ସେଲ ଓ ଗୁଇନ୍ଦା ସଂସ୍ଥା ପକ୍ଷରୁ ସ୍ବତନ୍ତ୍ର ନଜର ରଖାଯାଇଥାଏ । ଏପରି ଏକ ଘଟଣା ସାମ୍ନାକୁ ଆସିବା ପରେ ତଦନ୍ତକୁ ବ୍ୟାପକ କରିଛି ହାଇଦ୍ରାବାଦ ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ