ବେଙ୍ଗାଲୁରୁ: ବେଙ୍ଗାଲୁରୁର ଗ୍ରାମାଞ୍ଚଳ ହୋସ୍କୋଟେ ଠାରେ ଜଣେ ମୁସଲିମ ବ୍ୟକ୍ତି ହନୁମାନ ମନ୍ଦିର ନିର୍ମାଣ ନିମନ୍ତେ ଲକ୍ଷାଧିକ ଟଙ୍କାର ଭୂମି ଦାନ କରିଛନ୍ତି । ସବୁ ଧର୍ମକୁ ସମ୍ମାନ ପୂର୍ବକ ସେ 1.5 ଗୁଣ୍ଠ ଜମି ହନୁମାନ ମନ୍ଦିର ଟ୍ରଷ୍ଟକୁ ଦାନ ଆକାରରେ ଦେଇଛନ୍ତି ।
ଜଣେ ମୁସଲମାନ ବ୍ୟକ୍ତି ହନୁମାନ ମନ୍ଦିର ନିର୍ମାଣ ପାଇଁ ଜମି ଦାନ କରିଛନ୍ତି
ଏଚ୍ଏମ୍ଜି ବାଷା ଲୋରୀ ଉଦ୍ୟୋଗୀ ଏବଂ ସେ ବାଙ୍ଗାଲୋରର କଡୁଗଡି ଅନ୍ତର୍ଗତ ବେଲାଠୁର କୋଲୋନୀର ବାସିନ୍ଦା । ସେ ବାଙ୍ଗାଲୋର ନିକଟସ୍ଥ ହୋସ୍କୋଟେ ଠାରେ ଥିବା ୱାଲାଗେରେପୁରା-ମାଇଲାପୁରା ନିକଟରେ ତାଙ୍କ 3 ଏକର ଜମି ମଧ୍ୟରୁ 1.5 ଗୁଣ୍ଠ ଜମି ହନୁମାନ ମନ୍ଦିର ପାଇଁ ଦାନ କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ସେହି ଜମିର ମାଲିକାନା ଭିରାନ୍ଜନ୍ୟା ସ୍ବାମି ସେବା ଟ୍ରଷ୍ଟକୁ ହସ୍ତାନ୍ତର କରିବେ ।