ଜୟପୁର: ରାଜସ୍ଥାନର ପୋଖରାନ ଅଞ୍ଚଳର ଭାଦରିଆ ଗାଁରେ ବୋମା ବିସ୍ଫୋରଣ ଯୋଗୁଁ ଏକ ନାବାଳିକାର ମୃତ୍ୟୁ ହୋଇଥିବା ସୂଚନା ମିଳିଛି। ଏହାସହ ଏହି ବୋମା ବିସ୍ଫୋରଣରେ ଆଉ ଜଣେ ନାବାଳକ ଗୁରୁତର ଭାବରେ ଆହତ ହୋଇଛି। ଆହତ ହୋଇଥିବା ନାବାଳକକୁ ସ୍ଥାନୀୟ ଏକ ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ଦୁଇ ନାବାଳକ ରାଜସ୍ଥାନ ସୀମାରୁ ଏକ ବମକୁ ନେଇ ଆସି ସେଥିରେ ଖେଳିବା ଆରମ୍ଭ କରି ଦେଇଥିଲେ। ତେବେ ଅଚାନକ ଏହି ବୋମାଟି ବିସ୍ଫୋରଣ ହୋଇଥିଲା।
ଆଜି(ରବିବାର) ଭାଦରିଆ ଗାଁର ଜଣେ ନାବାଳିକା ଓ ଜଣେ ନାବାଳକ ସୀମାରେ ଥିବା ଫିଲ୍ଡ ପାୟରିଂ ରେଞ୍ଜ ଆଡ଼କୁ ଖେଳିବାକୁ ଯାଇଥିଲେ। ଭାରତ - ପାକିସ୍ତାନ ସୀମା କୁହାଯାଉଥିବା ଏହି ଅଞ୍ଚଳରୁ ଏକ ବମକୁ ଖେଳନା ଭାବି ଦୁଇଜଣ ନେଇ ଆସିଥିଲେ। ଏହି ବମକୁ ଭାଦରିଆ ଗାଁର ଏକ କିଲୋମିଟର ଅଞ୍ଚଳକୁ ଆଣିଥିଲେ ନାବାଳକ। ଏହାପରେ ଦୁହେଁ ଏହି ବୋମାକୁ ଖୋଲିବାକୁ ଚେଷ୍ଟା କରୁଥିବା ବେଳେ ବୋମାଟି ବିସ୍ଫୋରଣ ହୋଇଯାଇଥିଲା।