ଅମରାବତୀରେ ଓଲଟିଲା ଡଙ୍ଗା, 3 ମୃତ 8 ନିଖୋଜ

ମହାରାଷ୍ଟ୍ର ଅମରାବତୀର ୱାର୍ଦ୍ଧା ନଦୀରେ ବୋଟ୍ ଓଲଟି ୧୧ ନିଖୋଜ । ଉଦ୍ଧାର କାର୍ଯ୍ୟ ଜାରି । ଅଧିକ ପଢନ୍ତୁ...

ମୁମ୍ବାଇ: ୱାର୍ଦ୍ଧା ନଦୀରେ ଅଘଟଣ । ଡଙ୍ଗା ବୁଡି ୧୧ ଜଣ ନିଖୋଜ ହୋଇଥିବା ସୂଚନା । ୩ ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳେ ଅନ୍ୟମାନେ ନିଖୋଜ ଅଛନ୍ତି । ସ୍ଥାନୀୟ ଅଞ୍ଚଳରେ ଉଦ୍ଧାର କାର୍ଯ୍ୟ ଜାରି ।

ସୂଚନା ଅନୁଯାୟୀ ଆଜି(ମଙ୍ଗଳବାର) ମହାରାଷ୍ଟ୍ର ଅମରାବତୀ ଜିଲ୍ଲା ଗୋଲଗାଓଁ ଅଞ୍ଚଳ ୱାର୍ଦ୍ଧା ନଦୀରେ ବୋଟ୍ ଓଲଟି ପଡିଛି । ଫଳରେ ୧୧ ଜଣ ଯାତ୍ରୀ ନିଖୋଜ ହୋଇଯାଇଛନ୍ତି । ଖବର ପାଇ ଉଦ୍ଧାରକାରୀ ଟିମ୍ ପହଞ୍ଚି ୩ ଜଣଙ୍କ ମୃତଦେହ ଉଦ୍ଧାର କରି ଥିବାବେଳେ ୮ ଜଣ ନିଖୋଜ ଅଛନ୍ତି । ଖବର ଲେଖାହେବା ସୁଦ୍ଧା ଉଦ୍ଧାର କାର୍ଯ୍ୟ ଜାରି ଥିବା ସୂଚନା ।

ବ୍ୟୁରୋ ରିପୋର୍ଟ, ଇଟିଭି ଭାରତ