ଡେରାଡୁନ:ଉତ୍ତରାଖଣ୍ଡର ରୁରକି ଆଇଆଇଟି କଲେଜରେ ଏକା ସମୟରେ 90 ଜଣ ଛାତ୍ରଛାତ୍ରୀ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ତେବେ ଏ ସମ୍ପର୍କରେ ଗୁରୁବାର ଆଇଆଇଟି ରୁରକି ମେଡ଼ିକାଲ ଦଳର ମୁଖ୍ୟ ସୋନିକା ଶ୍ରବାସ୍ତବ ସୂଚନା ଦେଇଛନ୍ତି ।
ଏହି ଶିକ୍ଷାନୁଷ୍ଠାନରେ ମୋଟ 3 ହଜାର ଛାତ୍ରଛାତ୍ରୀ ପାଠ ପଢୁଥିବା ବେଳେ 5ଟି ହଷ୍ଟେଲରେ ପ୍ରାୟ 1200 ଛାତ୍ରଛାତ୍ରୀ ରହୁଛନ୍ତି । ହଷ୍ଟେଲରେ ରହୁଥିବା ଛାତ୍ରଛାତ୍ରୀଙ୍କର ସ୍ବାସ୍ଥ୍ୟ ପରୀକ୍ଷା କରାଯାଉଥିବା ବେଳେ ହଷ୍ଟେଲକୁ ଫେରିବାକୁ ଚାହୁଁଥିବା କିଛି ଛାତ୍ରଛାତ୍ରୀଙ୍କ ଆଗମନକୁ କିଛି ଦିନ ପାଇଁ ସ୍ଥଗିତ ରଖାଯାଇଛି । ସ୍ଥିତି ସୁଧୁରିବା ପରେ କଲେଜ କର୍ତ୍ତୃପକ୍ଷଙ୍କ ନିର୍ଦ୍ଦେଶ ପରେ ଛାତ୍ରଛାତ୍ରୀ ହଷ୍ଟେଲକୁ ଫେରିପାରିବେ । ଅନ୍ୟପଟେ ହଷ୍ଟେଲ ପରିସରରେ ରହୁଥିବା ଛାତ୍ରଛାତ୍ରୀଙ୍କୁ କୋଭିଡ଼ର ସମସ୍ତ ନିୟମକୁ କଡ଼ାକଡ଼ି ପାଳନ କରିବାକୁ ନିର୍ଦ୍ଦେଶ ଦିଆଯାଇଛି ବୋଲି ସୋନିକା କହିଛନ୍ତି ।