ଜୟପୁର: ରାଜସ୍ଥାନର ଟୋଙ୍କରେ ଭୟଙ୍କର ସଡ଼କ ଦୁର୍ଘଟଣା । ଜିପକୁ ଧକ୍କା ଦେଲା ଟ୍ରଲର । ଗୋଟିଏ ପରିବାରର ଚାଲିଗଲା 8 ଜଣଙ୍କ ଜୀବନ । ସୂଚନାନୁସାରେ, ଜୟପୁରର ରେଫରଖାତୁ ଶ୍ୟାମଙ୍କ ଦର୍ଶନ ପାଇଁ ମଧ୍ୟପ୍ରଦେଶରୁ ଆସିଥିବା ଏକ ପରିବାର ଜିପରେ ଫେରୁଥିବା ବେଳେ, ଦ୍ରୁତ ଗତିରେ ଆସୁଥିବା ଏକ ଟ୍ରଲର ପଛରୁ ଧକ୍କା ଦେଇଥିଲା । ଏହି ଧକ୍କା ଏତେ ଭୟଙ୍କର ଥିଲା ଯେ, ଜିପରେ ଥିବା 8 ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ 4 ଜଣ ଗୁରୁତର ଆହତ ହୋଇଥିଲେ। ତେବେ ସଦର ପୋଲିସ ଷ୍ଟେସନରେ ଜୟପୁର-କୋଟା ଜାତୀୟ ରାଜପଥ -12 ନିକଟରେ ଏହି ଦୁର୍ଘଟଣା ଘଟିଛି ।
ଏହି ଦୁର୍ଘଟଣାରେ ପ୍ରାଣ ହରାଇଥିବା ଲୋକମାନେ ମଧ୍ୟପ୍ରଦେଶର ବାସିନ୍ଦା ବୋଲି କୁହାଯାଇଛି । 8 ମୃତକଙ୍କ ମଧ୍ୟରେ 4 ଜଣ ପୁରୁଷ, 2 ମହିଳା ଏବଂ 2 ପିଲା ଅଛନ୍ତି । ଏହି ଦୁର୍ଘଟଣାରେ ଆହତଙ୍କୁ ଟୋଙ୍କ ଡାକ୍ତରଖାନା ନିଆଯାଇଥିଲା, ପରେ ସେମାନଙ୍କୁ ଜୟପୁରକୁ ସ୍ଥାନାନ୍ତର କରାଯାଇଛି। ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ସମସ୍ତ ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲା।