ଜୟପୁର:ରାଜସ୍ଥାନରେ ମୁଣ୍ଡ ନେଲା ଓମିକ୍ରନ । ରାଜସ୍ଥାନ ଉଦୟପୁରରେ ଜଣେ 73 ବର୍ଷୀୟ ଓମିକ୍ରନ ସଂକ୍ରମିତଙ୍କ ମୃତ୍ୟୁ ହୋଇଛି । ସେ 15 ଦିନ ହେଲା ମେଡିକାଲରେ ଚିକିତ୍ସିତ ହେଉଥିଲେ । ଶେଷରେ ଆଜି ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।
ସୂଚନାଯୋଗ୍ୟ, ମୃତକ ଗତ 25 ତାରିଖରେ ଓମିକ୍ରନ ପଜିଟିଭ ଚିହ୍ନଟ ହୋଇଥିଲେ । ସେପଟେ ତାଙ୍କ ମୃତ୍ୟୁ କୋଭିଡ ପରବର୍ତ୍ତୀ ଜଟିଳତା ଯୋଗୁଁ ହୋଇଥିବା ସ୍ବାସ୍ଥ୍ୟ ବିଭାଗ କହିଛି । ମୃତ ବୃଦ୍ଧ ଜଣକ ନିମୋନିଆ, ହାଇପରଣ୍ଟେସନ ଏବଂ ମଧୁମେହରେ ପୀଡିତ ଥିଲେ । ଉଦୟପୁରରେ ଏବେ ସୁଦ୍ଧା 3ଟି ଓମିକ୍ରନ ମାମଲା ଠାବ ହୋଇଛି ।