କୋରୋନାର କରାଳ ଚିତ୍ର, ଗୋଟିଏ ପରିବାରରୁ ନେଲା 6 ମୁଣ୍ଡ

କୋରୋନା ଛଡାଇ ନେଲା ଗୋଟିଏ ପରିବାରର 6 ଜୀବନ । 14 ଦିନରେ ପ୍ରାଣ ହରାଇଲେଣି 6 ସଦସ୍ୟ । ଝାଡଖଣ୍ଡର ହଜାରିବାଗର ଘଟଣା । ଅଧିକ ପଢନ୍ତୁ...

ରାଞ୍ଚି : କୋରୋନା ମହାମାରୀ କେତେ ଭୟଙ୍କର ତାହାର ଏକ ରୂପ ଦେଖିବାକୁ ମିଳିଛି ହଜାରିବାଗ ଅଞ୍ଚଳରେ । କୋରୋନାରେ ଆକ୍ରାନ୍ତ ହୋଇ ପ୍ରାଣ ହରାଇଲେ ଗୋଟିଏ ପରିବାର 6 ଜଣ । ଏପରି ଏକ ଅଭାବନୀୟ ଘଟଣା ଘଟିଥିବା ଦେଖିବାକୁ ମିଲିଛି ଝାଡଖଣ୍ଡର ହଜାରିବାଗ ଜିଲ୍ଲାରେ । 14 ଦିନ ମଧ୍ୟରେ ଗୋଟିଏ ପରିବାରର 6 ଜୀବନ ନେଇଛି କୋରୋନା । ଏହି ଘଟଣା ପରଠାରୁ ପୁରା ପରିବାର ଭାଙ୍ଗି ପଡିଛନ୍ତି ।

ହଜାରିବାଗର ଦାରୁ ବ୍ଲକର ପେଟୋ ଗ୍ରାମରେ କରୋନା ସଂକ୍ରମଣ ଯୋଗୁଁ 14 ଦିନ ମଧ୍ୟରେ ସ୍ୱାମୀ, ସ୍ତ୍ରୀ ଏବଂ ସେମାନଙ୍କ ପିତାଙ୍କ ସମେତ 3 ଜଣ ଲୋକ ପ୍ରାଣ ହରାଇଲେ । ଏହି ଘଟଣା ପରେ ପରିବାର ସମ୍ପୂର୍ଣ୍ଣ ଭାଙ୍ଗି ପଡିଛି । 19 ମଇ ରାତିରେ ପେଟୋ ବାସିନ୍ଦା ନନ୍ଦ କିଶୋର କୁଶୱାହା (52) ଙ୍କ ମୃତ୍ୟୁ ହୋଇଥିଲା। ଏହାପୂର୍ବରୁ ତାଙ୍କ ପତ୍ନୀ ମଞ୍ଜୁ ଦେବୀ ଯିଏ ଅଙ୍ଗନୱାଡି କର୍ମୀ ଭାବେ କାମ କରନ୍ତି ତାଙ୍କର ମଧ୍ୟ ମେ 6ରେ ମୃତ୍ୟୁ ଘଟିଥିଲା ​​ଏବଂ ତାଙ୍କ ପିତା ହାର୍ଦ୍ଦୁ ମହାଟୋଙ୍କର ମୃତ୍ୟୁ ମଧ୍ୟ କୋଭିଡରେ ହୋଇଥିଲା । ନନ୍ଦା କିଶୋର କୁଶୱାହାଙ୍କ ପିତାଙ୍କ କ୍ରିୟାକାର୍ଯ୍ୟ ଶେଷ ହୋଇନଥିଲା ଯେ ତାଙ୍କ ପୁଅର ମଧ୍ୟ ମୃତ୍ୟୁ ଘଟିଛି । ନନ୍ଦ କିଶୋର କୁଶୱା ବାରୱାର ବିଦ୍ୟାଳୟର ପ୍ରଧାନଶିକ୍ଷକ ଥିଲେ । ତାଙ୍କର ଆଉ ଜଣେ ଝିଅ ଏବେ ଆକ୍ରାନ୍ତ ହୋଇ ଚିକିତ୍ସିତ ହେଉଥିବା ଜଣାପଡିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ