ବେଙ୍ଗାଲୁରୁ: ବେଙ୍ଗାଲୁରୁର କେମ୍ପେଗୋଡା ଅନ୍ତର୍ଜାତୀୟ ବିମାନବନ୍ଦରର ନିକଟରେ ବିସ୍ଫୋରଣ । ଦ୍ବିତୀୟ ଟର୍ମିନାଲର ଅଣ୍ଡରପାସ୍ ନିକଟରେ ଥିବା ତରଳ ପ୍ଲାଷ୍ଟିକ ପେଣ୍ଟ ମେସିନରେ ଭୟଙ୍କର ବିସ୍ଫୋରଣ ହୋଇଛି । ଏଥିରେ 6 ଜଣ ଶ୍ରମିକ ଆହତ ହୋଇଥିବା ବେଳେ ସେଥି ମଧ୍ୟରୁ ଅଜୟ କୁମାର ଏବଂ ସିରାଜଙ୍କ ଶରୀର 40 ପ୍ରତିଶତରୁ ଅଧିକ ପୋଡିଯାଇଥିବା ପୋଲିସ ସୂଚନା ଦେଇଛି । ଏବଂ ଆହତ ମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ପୋଲିସର ସୂଚନା ଅନୁଯାଇ ଶ୍ରମିକମାନେ ବିମାନବନ୍ଦର ଟର୍ମିନାଲକୁ ଯାଉଥିବା ରାସ୍ତାରେ ଜେବ୍ରା କ୍ରସିଂ ଏବଂ ସାଇନେଜ୍ ରଙ୍ଗ କରିବା ପାଇଁ ଥର୍ମୋପ୍ଲାଷ୍ଟିକ୍ ରୋଡ୍ ମାର୍କିଂ ମେସିନ୍ ବ୍ୟବହାର କରୁଥିଲେ । ଏହି ସମୟରେ ବିସ୍ଫୋରଣ ହୋଇଥିଲା ।