ନୂଆଦିଲ୍ଲୀ: ଶେଷ ହେଲା ୫G ସ୍ପେକ୍ଟ୍ରମ ନିଲାମୀ । ଅକ୍ଟୋବର ସୁଦ୍ଧା ଦେଶରେ ୫G ସେବା ଆରମ୍ଭ ହେବ । ୫G ସ୍ପେକ୍ଟ୍ରମ ନିଲାମୀରେ ସରକାର ମୋଟ 1.5 ଲକ୍ଷ କୋଟିରୁ ଊର୍ଦ୍ଧ୍ୱ ପାଇଛନ୍ତି । ଯାହା ଆଶାଠାରୁ ଢେର ଅଧିକ ରହିଛି । ୭୨ ହଜାର ୦୯୮ MHz ବିଡ୍ ଅଫର୍ କରିଥିଲେ ସରକାର । ତେବେ ଏଥିମଧ୍ୟରୁ ୫୧ ହଜାର ୨୩୬ MHz ବିକ୍ରି ହୋଇଛି । ଏହାକୁ ନେଇ ଟେଲିକମ୍ ମନ୍ତ୍ରୀ ଅଶ୍ବିନୀ ବୈଷ୍ଣବ ସୂଚନା ଦେଇଛନ୍ତି । ତେବେ ଗୋଟିଏ ଟାଓ୍ୱାରରେ 700 MHz ଏୟାର ୱେଭ୍ ଲିମିଟ ରହିବ ।
ରୋଚକ କଥା ହେଉଛି ପୁଣି ଥରେ ଟେଲିକମ୍ ଦୁନିଆରେ ନିଜ ଦବବଦା ଜାହିର କରିବାକୁ ଯାଉଛି ରିଲିଆନ୍ସ ଜିଓ ଗ୍ରୁପ୍ । ୫G ସ୍ପେକ୍ଟ୍ରମ ନିଲାମୀରେ ସବୁଠାରୁ ଅଧିକ ବିଡ୍ ଲଗାଇଛି ରିଲିଆନ୍ସ ଜିଓ । ଏହି ନିଲାମୀରେ ୮୮ ହଜାର ୦୭୮ କୋଟି ଟଙ୍କା ବିଡ୍ ଲଗାଇ ସ୍ପେକ୍ଟ୍ରମ୍ର ପ୍ରାୟ ଅଧା ଏୟାର ୱେଭ୍ କିଣିଛି ଜିଓ ।