ନୂଆଦିଲ୍ଲୀ: ପୁଣି ବଢିଲା ସଂକ୍ରମଣ ସଂଖ୍ୟା । ଗତକାଲି(ମଙ୍ଗଳବାର) ଅପେକ୍ଷା ଆଜି ଦେଶରେ କୋରୋନା ସଂକ୍ରମଣ ବୃଦ୍ଧି ପାଇଛି । ଗତ 24 ଘଣ୍ଟା ମଧ୍ୟରେ 38 ହଜାର 729 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହା ଗତକାଲିର କେସ୍ ଅପେକ୍ଷା 8 ହଜାର ଅଧିକ । ଏଥିସହ ମହାମାରୀ କବଳରେ 624 ଜଣଙ୍କ ପ୍ରାଣହାନୀ ଘଟିଛି ।
କେନ୍ଦ୍ର ସ୍ବାସ୍ଥ୍ୟ ବିଭାଗର ସୂଚନା ଅନୁଯାୟୀ, ନୂଆ କୋରୋନା ଆକ୍ରାନ୍ତଙ୍କୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା 3 କୋଟି 9 ଲକ୍ଷ 46 ହଜାର 74ରେ ପହଞ୍ଚିଛି । ସେହିପରି 41 ହଜାର ସୁସ୍ଥଙ୍କୁ ମିଶାଇ ଦେଶରେ ମୋଟ 3 କୋଟି 1 ଲକ୍ଷ 4 ହଜାର 720 ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।