ନୂଆଦିଲ୍ଲୀ: କୋରୋନା କାୟାରେ କବଳିତ ଦେଶ । ଦୈନିକ ସଂକ୍ରମଣ ହେଉଛନ୍ତି ଲକ୍ଷାଧିକ ଲୋକ । କ୍ଷିପ୍ର ଗତିରେ ମାଡି ଚାଲିଛି କୋରୋନା ମହାମାରୀର ଦ୍ବିତୀୟ ଲହର । ସାରା ଦେଶରେ ମହାମାରୀକୁ ନେଇ ହାହାକାର ପଡିଯାଇଛି । ଏହାରି ମଧ୍ୟରେ ଗତ 24 ଘଣ୍ଟାରେ ଦେଶରେ ନୂଆ 3 ଲକ୍ଷ 32 ହଜାର 730 କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ
ଆଉ 3 ଲକ୍ଷ 32 ହଜାର 730 ଜଣ ଆକ୍ରାନ୍ତଙ୍କୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା 1 କୋଟି 62 ଲକ୍ଷ 63 ହଜାର 695ରେ ପହଞ୍ଚିଛି । 1 ଲକ୍ଷ 93 ହଜାର 279 ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିବା ବେଳେ ମୋଟ ସୁସ୍ଥଙ୍କ ସଂଖ୍ୟା 1 କୋଟି 36 ଲକ୍ଷ 48 ହଜାର 159ରେ ପହଞ୍ଚିଛି । ଗତ 24 ଘଣ୍ଟାରେ ମୃତ୍ୟୁ ହୋଇଥିବା 2263ଜଣଙ୍କୁ ମିଶାଇ ମୋଟ ମୃତକଙ୍କ ସଂଖ୍ୟା 1 ଲକ୍ଷ 86 ହଜାର 920ରେ ପହଞ୍ଚିଥିବା ଜଣାପଡ଼ିଛି । ତେବେ ଏବେ ମଧ୍ୟ 24 ଲକ୍ଷ 28 ହଜାର 616 ଜଣ ସକ୍ରିୟ ମାମଲା ରହିଛି ।