ନୂଆଦିଲ୍ଲୀ: ପୁଣି ଦିନକରେ ଦେଶରୁ ୩୦ ହଜାର ୯୩ ନୂଆ କୋରୋନା ଆକ୍ରାନ୍ତ ଚିହ୍ନଟ । ୪୫ ହଜାର ୨୫୪ ସୁସ୍ଥହୋଇ ଘରକୁ ଫେରି ଥିବାବେଳେ ୩୭୪ ଜଣଙ୍କ ମୃତ୍ୟୁ । ତେବେ କୋରୋନାର ସମ୍ଭାବ୍ୟ ତୃତୀୟ ଲହର ଦେଶବାସୀ ତଥା ପ୍ରଶାସନକୁ ଚିନ୍ତାରେ ପକାଇ ଥିବାବେଳେ ସଂକ୍ରମଣ ହ୍ରାସ ସାମାନ୍ୟ ଆଶ୍ବସ୍ତି ଦେଇଛି ।
ଗତ ୪ ମାସ ବା ୧୨୫ ଦିନ ମଧ୍ୟରେ ଆଜି(ମଙ୍ଗଳବାର) ଦେଶରେ ସବୁଠୁ କମ ସଂଖ୍ୟକ କୋରୋନାରେ ଆକ୍ରାନ୍ତ ହୋଇଥିବା ଆକଳନ କରାଯାଇଛି । କେନ୍ଦ୍ର ସ୍ବାସ୍ଥ୍ଯ ମନ୍ତ୍ରାଳୟ ସୂଚନା ଅନୁଯାୟୀ ଦେଶରେ ନୂଆ ଆକ୍ରାନ୍ତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା ୩ କୋଟି ୧୧ ଲକ୍ଷ ୭୪ ହଜାର ୩୨୨ରେ ପହଞ୍ଚିଛି । ସେହିପରି ୩ କୋଟି ୩ ଲକ୍ଷ ୫୩ ହଜାର ୭୧୦ ସୁସ୍ଥ ହୋଇ ଘରକୁ ଫେରି ଥିବାବେଳେ ମୋଟ ୪ ଲକ୍ଷ ୬ ହଜାର ୧୩୦ ବିଭିନ୍ନ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ।