ଲକ୍ଷ୍ନୌ: ଉତ୍ତରପ୍ରଦେଶର କାସଗଞ୍ଜ ଜିଲ୍ଲାରେ ରବିବାର ନିର୍ମାଣଧୀନ କୋଠାର ଗୋଟିଏ ପାର୍ଶ୍ବ ଭାଙ୍ଗିପଡିଥିବା ଦେଖିବାକୁ ମିଳିଛି । ଏହି ଘଟଣାରେ 3 ଜଣଙ୍କର ମୃତ୍ୟୁ ଘଟିଥିବା ବେଳେ 12 ଜଣ ଆହତ ହୋଇଛନ୍ତି । ଆହତଙ୍କୁ ତୁରନ୍ତ ନିକଟସ୍ଥ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।
ୟୁପିରେ ଭାଙ୍ଗିଲା ନିର୍ମାଣଧୀନ କୋଠା; 3 ମୃତ, 12 ଆହତ
କାଶଗଞ୍ଜ ଜିଲ୍ଲା ଜନପଦର ସଦର କୋତବାଲି ଅଞ୍ଚଳରେ ରାଜିବ ବିଡଲା ନାମକ ଜଣେ ଦୋକାନୀଙ୍କ ଦୋକାନ ନିର୍ମାଣ କାର୍ଯ୍ୟ ହେଉଥିଲା । ତେବେ ଏହି ସମୟରେ ଦୋକାନର ସଟର ପକାଇବା ସମୟରେ ନିର୍ମାଣଧୀନ କୋଠାର ଗୋଟିଏ ପାର୍ଶ୍ବ ଭାଙ୍ଗିପଡିଥିଲା । ଫଳରେ ଏହା ତଳେ ଦୋକାନୀଙ୍କ ଭାଇ କୁଲଦୀପ ବିଡଲାଙ୍କ ସମେତ ଅନ୍ୟ କିଛି ଲୋକ ପୋତି ହୋଇଯାଇଥିଲେ । ଏହି ଘଟଣାଟି ହଠାତ ଘଟିବା ପରେ ସେଠାରେ ହଇଚଇ ସୃଷ୍ଟି ହୋଇଥିଲା ।