ରାଜସ୍ଥାନରେ ଅଘଟଣ, ସୁଡଙ୍ଗ ଭୁଷୁଡି ତିନି ଶିଶୁ ମୃତ

ଶନିବାର ବାଗୋରିଆର ଧାନି ଗ୍ରାମ ପଞ୍ଚାୟତର ନାଭୋଡି କୋଥୀ ଅଞ୍ଚଳରେ ଘଟିଛି ଏହି ଦୁଃଖଦ ଘଟଣା । ମୃତ ଶିଶୁଙ୍କ ମଧ୍ୟରେ 2 ପୁଅ ଓ ଜଣେ ଝିଅ ରହିଛି ।

ନୱାଲଗଡ: ରାଜସ୍ଥାନରେ ଅଘଟଣ । ସୁଡଙ୍ଗ ଭୁଷୁଡି ତିନି ଶିଶୁଙ୍କ ମୃତ୍ୟୁ ହୋଇଥିବାବେଳେ ଅନ୍ୟଜଣେ ଗୁରୁତର ଶିଶୁକୁ ମେଡିକାଲରେ ଭର୍ତ୍ତି କରାଯାଇଛି । ଶନିବାର ବାଗୋରିଆର ଧାନି ଗ୍ରାମ ପଞ୍ଚାୟତର ନାଭୋଡି କୋଥୀ ଅଞ୍ଚଳରେ ଘଟିଛି ଏହି ଦୁଃଖଦ ଘଟଣା । ମୃତ ଶିଶୁଙ୍କ ମଧ୍ୟରେ 2 ପୁଅ ଓ ଜଣେ ଝିଅ ରହିଛି ।

ସୂଚନା ଅନୁସାରେ, 4 ଜଣ ଶିଶୁ 5 ଫୁଟ ଗଭୀର ଏକ ସୁଡଙ୍ଗ ତିଆରି କରି ଏହା ଭିତରେ ଖେଳୁଥିଲେ । ମାତ୍ର ହଠାତ ସୁଡଙ୍ଗ ଭିତରେ ମାଟିର ଖଣ୍ଡ ଭୁଷୁଡିବା କାରଣରୁ 4 ଜଣ ଶିଶୁ ଏହା ଭିତରେ ଦବି ଯାଇଥିଲେ । ଯେଉଁଥିରେ 3 ଶୁଶୁଙ୍କ ଜୀବନ ଚାଲିଯାଇଛି । ତେବେ ଅନ୍ୟ ଗୁରୁତର ଶିଶୁକୁ ଚିକିତ୍ସା ପାଇଁ ଜୟପୁରକୁ ରେଫର କରାଯାଇଛି । ଏହି ଘଟଣାକୁ ନେଇ ଝୁଝୁନୁ ପୋଲିସ ଅଧିକ୍ଷକ ମନିଷ ତ୍ରିପାଠୀ ଘଟଣାସ୍ଥଳ ପରିଦର୍ଶନ କରି ତଦନ୍ତ ଜାରି ରଖିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ