ଭୋପାଳ: ମଧ୍ୟପ୍ରଦେଶ ଭୋପାଳସ୍ଥିତ କମଲା ନେହେରୁ ହସ୍ପିଟାଲରେ ଭୟଙ୍କର ଅଗ୍ନିକାଣ୍ଡ । ସୋମବାର ରାତିରେ ହସ୍ପିଟାଲର ଶିଶୁ ବିଭାଗ(paediatric ward)ରେ ନିଆଁ ଲାଗିଛି । ଏଥିରେ ମୋଟ ୪ ଜଣ ଶିଶୁଙ୍କ ମୃତ୍ୟୁ ଘଟିଛି । ଅଗ୍ନିକାଣ୍ଡ ସମ୍ପର୍କରେ ଖବର ମିଳିବା ପରେ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ତେବେ ଏ ଯାଏଁ ଏହି ଅଘଟଣର କାରଣ ଅସ୍ପଷ୍ଟ ରହିଛି । ଘଟଣାରେ ମୁଖ୍ୟମନ୍ତ୍ରୀ ଗଭୀର ଦୁଃଖପ୍ରକାଶ କରିବା ସହ ମୃତ ଶିଶୁଙ୍କ ପରିବାର ପିଛା ସରକାର ୪ ଲକ୍ଷ ଟଙ୍କା ସହାୟତା ରାଶି ଘୋଷଣା କରିଛନ୍ତି ।
ହସ୍ପିଟାଲରେ ଭୟଙ୍କର ଅଗ୍ନିକାଣ୍ଡ: 4 ଶିଶୁ ଜୀବନ୍ତ ଦଗ୍ଧ, ମୁଖ୍ୟମନ୍ତ୍ରୀଙ୍କ ଶୋକ
ସୂଚନାଯୋଗ୍ୟ, ରାତି ପ୍ରାୟ ୯ଟା ସମୟରେ ମେଡିକାଲର ତୃତୀୟ ମହଲା, ଯାହାକି ପେଡିଆଟ୍ରିକ ୱାର୍ଡ ଅଟେ ସେଠାରେ ନିଆଁ ଲାଗିଥିଲା । ପେଡିଆଟ୍ରିକ ବିଭାଗରେ ମୋଟ ୪୦ ଜଣ ଶିଶୁ ଭର୍ତ୍ତି ହୋଇଥିଲେ । ଅଗ୍ନିକାଣ୍ଡ ଘଟିବା ମାତ୍ରେ ସେମାନଙ୍କ ମଧ୍ୟରୁ ୩୬ ଜଣଙ୍କୁ ଅନ୍ୟ ୱାର୍ଡକୁ ସ୍ଥାନାନ୍ତରିତ କରାଯାଇଥିଲା । ମାତ୍ର ୪ ଜଣ ଶିଶୁଙ୍କୁ ରକ୍ଷା କରାଯାଇପାରିନାହିଁ ।