ଚଣ୍ତିଗଡ: 4 ଦିନିଆ ପୋଲିସ ରିମାଣ୍ଡରେ ଗଲା ପଞ୍ଜାବ ପଟିଆଲା ଖଲିସ୍ତାନୀ ବିରୋଧୀ ଶୋଭାଯାତ୍ରା ହିଂସାକାଣ୍ଡ ଘଟଣାର ମୁଖ୍ୟ ଷଡଯନ୍ତ୍ରକାରୀ ବରଜିନ୍ଦର ସିଂ ପରୱାନା (Barjinder Singh Parwana) । ଆଜି ପୂର୍ବାହ୍ନରେ ତାକୁ ମୋହାଲିରୁ ଗିରଫ କରାଯାଇ ବିମାନ ଯୋଗେ ଯୋଗେ ମୁମ୍ବାଇକୁ ଅଣାଯାଇଥିଲା । ଇନ୍ସପେକ୍ଟର ଶାମିନ୍ଦର ସିଂଙ୍କ ନେତୃତ୍ବରେ ସେଣ୍ଟ୍ରାଲ ଇଣ୍ଟେଲିଜେନ୍ସ ଏଜେନ୍ସି (CIA) ପଟିଆଲା ଟିମ ତାଙ୍କୁ ମୋହାଲି ବିମାନ ବନ୍ଦରରେ ଗିରଫ କରିବାରେ ସଫଳ ହୋଇଥିଲା ।
ସୂଚନା ଅନୁସାରେ, ଏପ୍ରିଲ 29ରେ ପଞ୍ଜାବରେ ଶିବସେନା ମୁଖ୍ୟ କାର୍ଯ୍ୟକର୍ତ୍ତା ହରିଶ ସିଙ୍ଗଲାଙ୍କ ନେତୃତ୍ବରେ ଆୟୋଜିତ ଖାଲିସ୍ତାନ ବିରୋଧୀ ଶୋଭଯାତ୍ରା ସମୟରେ ସଂଘର୍ଷ ଦେଖିବାକୁ ମିଳିଥିଲା । ଦୁଇ ଗୋଷ୍ଠୀ ମଧ୍ୟରେ ପଥର ମାଡ ଯୋଗୁ ଏକାଧିକ ବ୍ୟକ୍ତିଙ୍କ ସମେତ ପୋଲିସ କର୍ମଚାରୀ ମଧ୍ୟ ଆହତ ହୋଇଥିଲେ । ପରେ ଏ ନେଇ ୬ଟି ମାମଲା ରୁଜୁ କରାଯାଇ କାର୍ଯ୍ୟାନୁଷ୍ଠାନ ଆରମ୍ଭ ହୋଇଥିଲା ।