ଡେରାଡୁନ: ମେ 3 ତାରିଖରୁ ଆରମ୍ଭ ହୋଇଛି ଚାରଧାମ ଯାତ୍ରା । ଯାତ୍ରାରେ ଭକ୍ତଙ୍କ ପ୍ରବଳ ସମାଗମ ହୋଇଥିଲା । ଯାତ୍ରା ପାଇଁ ବ୍ୟାପକ ବ୍ୟବସ୍ଥା ହୋଇଥିଲେ ମଧ୍ୟ ଅଘଟଣ ଘଟି ଯାଇଛି । 8 ଦିନ ଭିତରେ 20 ଜଣ ଶ୍ରଦ୍ଧାଳୁଙ୍କ ମୃତ୍ୟୁ ହୋଇଛି । ଚାରଧାମ ଯାତ୍ରାରେ ହୋଇଥିବା ଏହି ଅଘଟଣକୁ କେନ୍ଦ୍ର ସରକାର ଗୁରୁତର ସହ ନେଇ ରାଜ୍ୟ ସରକାରଙ୍କୁ ରିପୋର୍ଟ ମାଗିଛନ୍ତି ।
ଶ୍ରଦ୍ଧାଳୁଙ୍କ ମୃତ୍ୟୁ ପଛରେ ସରକାରଙ୍କ ତ୍ରୁଟି ସାମ୍ନାକୁ ଆସୁଛି, ବ୍ୟବସ୍ଥାରେ ଅବହେଳା ପାଇଁ ଭକ୍ତଙ୍କ ଜୀବନରେ ପ୍ରଭାବିତ ହୋଇଛି । ଚାରଧାମ ଯାତ୍ରା ସମୟରେ ଅଧିକାଂଶ ଭକ୍ତଙ୍କ ମୃତ୍ୟୁ ହୃଦଘାତ କାରଣରୁ ହୋଇଥିଲା। ଏଥି ସହିତ ଖାଲରେ ଖସିପଡ଼ିବା କାରଣରୁ କେତେକ ଭକ୍ତଙ୍କ ମୃତ୍ୟୁ ଘଟିଛି। କେଦାରନାଥ ଧାମରେ ନିଯୁକ୍ତ ଥିବା ପ୍ରଦୀପ ଭରଦ୍ବାଜଙ୍କ ଅନୁଯାୟୀ, ଯଦି ଭକ୍ତମାନେ କିଛି ଦିଗରେ ସତର୍କ ହୁଅନ୍ତେ ତେବେ ସେମାନେ ଏହିପରି ବିପଦରୁ ରକ୍ଷା ପାଇପାରିବେ । ସହଜରେ ଯାତ୍ରା ସମାପ୍ତ ହେବ । ସେ ଆହୁରି କହିଛନ୍ତି ଶ୍ରଦ୍ଧାଳୁଙ୍କ କିଛି ଭୁଲ ପାଇଁ ତାଙ୍କ ଜୀବନ ଉପରେ ବିପଦ ସୃଷ୍ଟି ହୋଇଛି । ସବୁଠୁ ବଡ ଭୁଲ ହେଲା କମ ସମୟରେ କେଦାରନାଥ ଭଳି ସ୍ଥାନରେ ଦର୍ଶନ କରି ଫେରିବା ଫଳରେ ହେଲିକପ୍ଟରରେ ଆସିଥିବା ଲୋକଙ୍କ ସଂଖ୍ୟା ବଢିବାକୁ ଲାଗିଥିଲା ।