ଇସାଲାମାବାଦ: ପାକିସ୍ତାନର ସିନ୍ଧ ପ୍ରଦେଶରେ ଅବସ୍ଥିତ ତାରପାର୍କ ଜିଲ୍ଲାରେ ଅତି କମରେ 125 ଜଣ ମହିଳା ଆତ୍ମହତ୍ୟା କରିଥିବା ତଥ୍ୟ ସାମ୍ନାକୁ ଆସିଛି । ମୁଖ୍ୟତଃ ଦାରିଦ୍ର୍ୟ ତଥା ସାମାଜିକ ଅସମାନତା କାରଣରୁ ଏପରି ସମସ୍ୟା ଦେଖା ଦେଇଥିବା ଜଣାପଡିଛି ।
ଉକ୍ତ ପ୍ରସଙ୍ଗରେ ଆୟୋଜିତ କର୍ମଶାଳାରେ ଏହି ଆକଳନ ସାମ୍ନାକୁ ଆସିଛି ଯେଉଁଠାରେ ମନସ୍ତତ୍ବବିତ, ସିଭିଲ୍ ସୋସାଇଟି ଏବଂ ବେସରକାରୀ ସଂଗଠନ ମାନେ ଭାଗ ନେଇଥିଲେ । ଏହି ଅଞ୍ଚଳରେ ଆତ୍ମହତ୍ୟା କରିବା ପାଇଁ ବାଧ୍ୟ ହେଉଥିବା ମହିଳାଙ୍କ ସଂଖ୍ୟା ବଢିବାର କାରଣ ଏବଂ ସମସ୍ୟା ଉପରେ ଆଲୋଚନା ହୋଇଥିଲା। କର୍ମଶାଳାରେ ଜଣେ ଅଂଶଗ୍ରହଣକାରୀ ପ୍ରକାଶ କରିଛନ୍ତି ଯେ ଗତ ଏକ ବର୍ଷ ମଧ୍ୟରେ 100 ରୁ ଅଧିକ ମହିଳା ଆତ୍ମହତ୍ୟା କରିଥିବା ତଥ୍ୟ ସାମ୍ନାକୁ ଆସିଛି ।