ଅମୃତଶର: ଆଜି(ବୁଧବାର) ପଞ୍ଜାବର ଅଟ୍ଟାରୀ ବାଘା ବର୍ଡର ଦେଇ 125 ଜଣ ପାକିସ୍ତାନ ନାଗରିକ ପାକିସ୍ତାନ ଫେରିଛନ୍ତି। କୋରୋନା ଭାଇରସ ସଂକ୍ରମଣ ଯୋଗୁଁ ଗତ ମାର୍ଚ୍ଚ ମାସରେ ସାରା ଭାରତରେ ଲକଡାଉନ ଘୋଷଣା ହୋଇଥିଲା। ଏଥିପାଇଁ ପୂରା ଦେଶରେ ସମସ୍ତ ପ୍ରକାରର ଯାନବାହାନ ଚଳାଚଳ ବନ୍ଦ ରହିଥିଲା। ଫଳରେ ସେହି ସମୟରେ ପାକିସ୍ତାନରୁ ଭାରତ ଆସିଥିବା ପର୍ଯ୍ୟଟକମାନେ ଏଠାରେ ଫସି ରହିଯାଇଥିଲେ।
ବାଘା ବୋର୍ଡର ଦେଇ 125 ଜଣ ପାକସ୍ତାନ ଫେରିଲେ, ଲକଡାଉନ ଯୋଗୁଁ ଭାରତରେ ଫସି ରହିଥିଲେ
ଏହାସହ ଆଜି 150 ଜଣ ପାକିସ୍ତାନ ଛାତ୍ରଛାତ୍ରୀ ମଧ୍ୟ ନିଜ ଦେଶକୁ ଫେରିବା ବାଟକୁ ଚାହିଁ ରହିଛନ୍ତି। ଏହି ଛାତ୍ରଛାତ୍ରୀମାନେ ଜମ୍ମୁ ଓ କାଶ୍ମୀରରେ ପାଠ ପଢ଼ୁଥିବା ନେଇ ସୂଚନା ମିଳିଛି। ପାକିସ୍ତାନ ଫେରିବା ପାଇଁ ଏହି ଛାତ୍ରଛାତ୍ରୀଙ୍କୁ ଅନୁମତି ମିଳିନଥିବା ସୂଚନା ମିଳିଛି। ତେବେ ଅନୁମତି ମିଳିବା ଏହି ଛାତ୍ରଛାତ୍ରୀଙ୍କୁ ମଧ୍ୟ ପାକିସ୍ତାନକୁ ପଠାଇ ଦିଆଯିବ ବୋଲି ବାଘା ବର୍ଡରରେ ଥିବା ପ୍ରୋଟୋକଲ ଅଧିକାରୀ ସୂଚନା ଦେଇଛନ୍ତି।