ରାୟପୁର: ଲାଲବାହିନୀର ଦୁର୍ଦ୍ଧର୍ଷଗଡ ଭାବେ ପରିଚିତ ଛତିଶଗଡର ଦାନ୍ତେଓ୍ବଡାରେ ପୋଲିସକୁ ବଡ ସଫଳତା । 16 ଜଣ କ୍ୟାଡର ମାଓବାଦୀ ସଂଗଠନ ଛାଡି ପୋଲସ ନିକଟରେ ଆତ୍ମସମର୍ପଣ କରିଥିବା ସୂଚନା ଦେଇଛି ଜିଲ୍ଲା ପୋଲିସ ପ୍ରଶାସନ ।ସରକାରଙ୍କ ଦ୍ବାରା କାର୍ଯ୍ୟକାରୀ କରାଯାଉଥିବା ଥଇଥାନ ଯୋଜନାରେ ମାଓବାଦୀଙ୍କୁ ଥଇଥାନ କରାଯିବା ସହ ମୁଖ୍ୟସ୍ରୋତରେ ସାମିଲ କରିବା ପାଇଁ ସମସ୍ତ ଅବସର ଦିଆଯିବା ନେଇ ପ୍ରକ୍ରିୟା ଆରମ୍ଭ କରାଯାଇଥିବା ସ୍ଥାନୀୟ ପୋଲିସ ପ୍ରଶସନ ପକ୍ଷରୁ ସୂଚନା ମିଳିଛି ।
ଆତ୍ମସମର୍ପଣ କରିଥିବା 16 ମାବାଦୀଙ୍କ ମଧ୍ୟର ଅନେକ ହାର୍ଡକୋର ମାଓବାଦୀ ରହିଛନ୍ତି । ସଂଗଠନର ମିଲିସିଆ ସଦସ୍ୟ ୨୬ ବର୍ଷୀୟ ଯୋଗ କୁଞ୍ଜାମ ମଧ୍ୟ ଏହି ତାଲିକାରେ ରହିଛନ୍ତି । ଯୋଗ କୁଞ୍ଜାମ ଦନ୍ତେଓ୍ବାଡାରେ ସୁରକ୍ଷା କର୍ମୀଙ୍କ ଉପରେ ଆକ୍ରମଣ ସମେତ ଅନେକ ହିଂସାତ୍ମକ କର୍ଯ୍ୟକଳାପରେ ସାମିଲ ଥିବା କହିଛି ପୋଲିସ ।