ନୂଆଦିଲ୍ଲୀ: ଚଳିତ ବର୍ଷ ଦେଶରେ ଦେଖା ଦେଇଛି ଶିଶୁ ନିଖୋଜ ଆତଙ୍କ । ଚଳିତ ବର୍ଷ ଦିଲ୍ଲୀ ଦକ୍ଷିଣ ଅଞ୍ଚଳରେ ଅତି କମରେ ପ୍ରାୟ 100ଜଣ ଶିଶୁ ନିଖୋଜ ହୋଇଥିବା ନେଇ ପରିବାର ପକ୍ଷରୁ ଅଭିଯୋଗ ହୋଇଥିବା ନେଇ ରବିବାର କହିଛନ୍ତି ବରିଷ୍ଠ ପୋଲିସ ଅଧିକାରୀ ।
ନିଖୋଜ ଥିବା ଶିଶୁମାନଙ୍କୁ ଆଣ୍ଟି ହ୍ୟୁମାନ ଟ୍ରାକିଂ ଦଳ ଦ୍ବାରା ଚିହ୍ନଟ କରାଯାଇଥିବା ସହ ସେମାନଙ୍କ ମଧ୍ୟରୁ 80ଜଣ ଶିଶୁଙ୍କ ବୟସ 18 ବର୍ଷରୁ କମ ହେବ ବୋଲି କହିଛି ଦକ୍ଷିଣ ଜିଲ୍ଲା ପୋଲିସ । ଏହି ନିଖୋଜ ପିଲାମାନଙ୍କୁ ଦିଲ୍ଲୀ,ବିହାର, ଉତ୍ତରପ୍ରଦେଶ, ଛତିଶଗଡ ଏବଂ ପଶ୍ଚିମବଙ୍ଗ ଭଳି ଅନ୍ୟ ରାଜ୍ୟରୁ ଚିହ୍ନଟ କରାଯାଇଛି । ଦିଲ୍ଲୀ ଓ ଏହାର ନିକଟବର୍ତ୍ତୀ ରାଜ୍ୟରେ ଏହି ଶିଶୁଙ୍କ ନିଖୋଜ ରିପୋର୍ଟ ପୋଲିସ ଷ୍ଟେସନରେ ଦାଖଲ ହୋଇଥିବା କହିଛନ୍ତି ପୋଲିସ ଡିସିପି ଅତୁଲ ଠାକୁର ।