ମୁମ୍ବାଇ: ମହାରାଷ୍ଟ୍ର ଭଣ୍ଡାରା ଜିଲ୍ଲାରେ ବଡ ଅଘଟଣ । ଜିଲ୍ଲା ସରକାରୀ ହସ୍ପିଟାଲର ଆଇସିୟୁରେ ନିଆଁ ଲାଗି 10 ନବଜାତ ଶିଶୁ ମୃତ । ଶନିବାର ବିଳମ୍ବିତ ରାତି 02 ସମୟରେ ଅଗ୍ନିକାଣ୍ଡ ଘଟିଥିଲା । ସିକ ନ୍ୟୁବର୍ଣ୍ଣରେ କେୟାର ୟୁନିଟରେ 17 ଶିଶୁ ମଧ୍ୟରୁ ମାତ୍ର 7 ଶିଶୁ ଉଦ୍ଧାର କରାଯାଇଥିଲା । ସେପଟେ, ମୃତ ନବଜାତ ଶିଶୁଙ୍କ ପରିବାରକୁ ଅନୁକମ୍ପା ରାଶି ଘୋଷଣା କରିଛନ୍ତି ମହାରାଷ୍ଟ୍ର ସ୍ବାସ୍ଥ୍ୟମନ୍ତ୍ରୀ । ପ୍ରତି ପରିବାରକୁ 5 ଲକ୍ଷ ଟଙ୍କା ଦେବାକୁ ଘୋଷଣା କରିଛନ୍ତି ସ୍ବାସ୍ଥ୍ୟମନ୍ତ୍ରୀ ରାଜେଶ ତୋପେ ।
ଆଇସିୟୁରେ ଭୟଙ୍କର ଅଗ୍ନିକାଣ୍ଡ
ଶନିବାର ରାତିରେ ହଠାତ ଆଇସିୟୁ ଭିତରୁ ଧୂଆଁ ବାହାରିଥିଲା । ଡ୍ୟୁଟିରେ ଥିବା ନର୍ସ ନିଆଁ ଲାଗି ଥିବା ଜାଣିବାକୁ ପାଇଥିଲେ । ପରେ ହସ୍ପିଟାଲ କର୍ତ୍ତୃପକ୍ଷଙ୍କ ଜଣାଇବା ପରେ ତୁରନ୍ତ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ଖବର ପାଇଁ ଅଗ୍ନିଶମ ବିଭାଗ ପହଞ୍ଚି ନିଆଁ ଲିଭାଇବା ସହ ଶିଶୁଙ୍କୁ ଉଦ୍ଧାର କରିଥିଲେ ।