ଅସ୍ତବ୍ୟସ୍ତ କଲାଣି ତାତି, ଚିନ୍ତାରେ ଷ୍ଟିଲସିଟିବାସୀ - Heat Wave in Rourkela
Published : Jun 3, 2024, 6:52 PM IST
Heavy Heatwave Affecting Daily Life: ରାଉରକେଲା: ପୁଣି ଲେଉଟିଛି ତାତି । ଦୁଇ ଦିନ ବର୍ଷା ଯୋଗୁ ପାଗ ସାଧାରଣ ଥିବା ପରେ ଆଜି ଠାରୁ ପୁଣି ବଢିଛି ଖରା ତାତି । ତେବେ ଗତକାଲି ରାଉରକେଲା ଅତିରିକ୍ତ ଜିଲ୍ଲାପାଳ ଆଶୁତୋଷ କୂଳକରଣୀ ଦେଇଥିବା ସୂଚନା ଅନୁଯାୟୀ ବର୍ତ୍ତମାନ ସୁଦ୍ଧା ଅସ୍ୱାଭାବିକ ଭାବରେ ୩୫ ଜଣଙ୍କ ମୃତ୍ୟୁ ହୋଇଛି । ଏଥିରେ ଛଅ ଜଣଙ୍କର ଗ୍ରୀଷ୍ମପ୍ରବାହ ଯୋଗୁ ମୃତ୍ୟୁ ହେଇଥିବା ସ୍ପଷ୍ଟ କରିଥିଲେ ଅତିରିକ୍ତ ଜିଲ୍ଲାପାଳ । ପାଣିପାଗ ବିଭାଗ ପକ୍ଷରୁ ଆଗାମୀ କିଛି ଦିନ ଧରି ରାଜ୍ୟରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଦେଖିବାକୁ ମିଳିବ ବୋଲି ସୂଚନା ଦିଆଯାଇଛି । ତେବେ ବଢ଼ୁଥିବା ଗ୍ରୀଷ୍ମ ପ୍ରଭାବକୁ ନଜରେ ରଖି ଲୋକେ ଖରାରେ ବାହାରକୁ ବାହାରିଲେ ସାଥିରେ ପାଣି ବୋତଲ, ଓଦା ଗାମୁଛା ସମେତ ଛତା ଓ କଳା ଚଷମା ବ୍ୟବହାର କରିବାକୁ ପରାମର୍ଶ ଦିଆଯାଉଛି। ସେପଟେ ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ମଧ୍ୟ ସମସ୍ତ ପ୍ରକାର ବ୍ୟବସ୍ଥା କରାଯାଇଥିବା ସୂଚନା ମିଳିଛି ।
ଇଟିଭି ଭାରତ, ରାଉରକେଲା