ହାଇଦ୍ରାବାଦ: ଦକ୍ଷିଣ କୋରିଆ କମ୍ପାନୀ ମାର୍ଚ୍ଚ 2 ତାରିଖରେ ଏକ ଲଞ୍ଚ ଇଭେଣ୍ଟର ଆୟୋଜନ କରିବାକୁ ଯାଉଛି । ଯେଉଁଥିରେ କମ୍ପାନୀ Galaxy A ସିରିଜକୁ ଲଞ୍ଚ କରିବ ବୋଲି ସ୍ପଷ୍ଟ କରିଛି । ଏହି ଇଭେଣ୍ଟରେ କମ୍ପାନୀ କେଉଁ କେଉଁ ସ୍ମାର୍ଟଫୋନକୁ ଲଞ୍ଚ କରିବ ସେ ନେଇ ସ୍ପଷ୍ଟ କରିନଥିବାବେଳେ ନିକଟରେ କିଛି ଲିକ୍ ତଥ୍ୟ ଅନୁସାରେ ଏହି ଇଭେଣ୍ଟରେ Galaxy A56, A36 ଓ A26 ସ୍ମାର୍ଟଫୋନ ଲଞ୍ଚ ହୋଇପାରେ ।
ସାମସଙ୍ଗ ଜାରି କଲା ଟିଜର ଇମେଜ୍
କମ୍ପାନୀ ପକ୍ଷରୁ ଏହାର ଅଫିସିଆଲ ୱେବସାଇଟ୍ରେ ଜାରି ହୋଇଥିବା ଟିଜର ଫଟୋରେ କେବଳ 2ଟି ସ୍ମାର୍ଟଫୋନକୁ ଦେଖିବାକୁ ମିଳିଛି । ଏଥିଲାଗି ଉପରୋକ୍ତ 3ଟି ସ୍ମାର୍ଟଫୋନ ମଧ୍ୟରୁ କମ୍ପାନୀ ଦୁଇଟି ସ୍ମାର୍ଟଫୋନକୁ ଲଞ୍ଚ କରିପାରେ ବୋଲି ଆକଳନ କରାଯାଉଛି । ବାକି ଗୋଟିଏ ସ୍ମାର୍ଟଫୋନକୁ ଚଳିତ ବର୍ଷ ଶେଷ ସୁଦ୍ଧା କମ୍ପାନୀ ଲଞ୍ଚ କରିପାରେ ।
ସାମସଙ୍ଗ ଗାଲାକ୍ସି A ସିରିଜ: ଲିକ୍ ତଥ୍ୟ
- ବିଭିନ୍ନ ମୋବାଇଲକୁ ନେଇ ତଥ୍ୟ ଜାରି କରୁଥିବା ଅନଲାଇନ ୱେବସାଇଟ୍ GSMArenaର ତଥ୍ୟ ଅନୁସାରେ ସାମସଙ୍ଗ ଗାଲାକ୍ସି A56, A36 ଓ A26 ସ୍ମାର୍ଟଫୋନ 6.7 ଇଞ୍ଚ ସ୍କ୍ରିନ ଆକାର ଓ 1080x2340 ରିଜୋଲ୍ୟୁସନ ସହ ଆସିପାରେ ।
- A56 ଓ A36 ସ୍ମାର୍ଟଫୋନରେ ଇନ-ଡିସପ୍ଲେ ଫିଙ୍ଗରପ୍ରିଣ୍ଟ ସେନ୍ସର ମିଳିପାରେ । କିନ୍ତୁ A26ରେ ପାୱାର ବଟନ୍ରେ ଫିଙ୍ଗରପ୍ରିଣ୍ଟ ସେନ୍ସର ରହିପାରେ ।
- ପ୍ରୋସେସର ସମ୍ପର୍କରେ କହିଲେ A56 ସ୍ମାର୍ଟଫୋନ Exynos 1580, A36ରେ Snapdragon 6 Gen 3 ଓ A26 ସ୍ମାର୍ଟଫୋନରେ Exynos 1380 ପ୍ରୋସେସର ରହିପାରେ ।
- ସେହିପରି ଷ୍ଟୋରେଜ କଥା ଦେଖିଲେ A56ରେ 8GB RAM ଏବଂ A36 ଓ A26 ସ୍ମାର୍ଟଫୋନରେ 6/8GB ମିଳିପାରେ ।
- କ୍ୟାମେରା କଥା କହିଲେ A56 ସ୍ମାର୍ଟଫୋନରେ 50MP ମେନ୍ କ୍ୟାମେରା, 12MP ଅଲଟ୍ରା-ୱାଇଡ୍ ଓ ଅନ୍ୟ ଦୁଇଟି 8MP ଅଲଟ୍ରାୱାଇଡ ଆଙ୍ଗେଲ କ୍ୟାମେରା ମିଳିବ ।
- ଏହାବାଦ 3ଟି ସ୍ମାର୍ଟଫୋନରେ ଆଉ ଏକ ମାଇକ୍ରୋ କ୍ୟାମେରା ରହିବ । A56 ଓ A36ରେ 5MP ଏବଂ A26ରେ 2MPର ରହିପାରେ ।
- ସେଲ୍ଫି ଲାଗି A56 ଓ A36 ସ୍ମାର୍ଟଫୋନରେ 12MP ସ୍ନାପର ଏବଂ A26 ଲାଗି 13MP କ୍ୟାମେରା ମିଳିପାରେ ।
- ଏହି 3ଟି ଫୋନ ଆଣ୍ଡ୍ରଏଡ 15 ଆଧାରିତ One UI 7ରେ ଚାଲିପାରେ ।
